वा वयाः सीपिनि ल्याः ४३ थ्यन । २४ जवान अझ बेपत्ता


मदिक्क वा वया देया थीथी थासय् वःगु खुसिबाः, चलः व डुबानं ४३ म्ह स्यूगु दु । खुसिबाः व चलखं २० म्ह घाःपा जूगु प्रहरी प्रधान ज्याकूया प्रहरी उपरीक्षक रमेश थापां न्ह्यथनादिल ।

वयेकया कथं आःतक देन्यंकं ४३ म्हसिया मृत्यु जूगु पुष्टि जूगु दु । आःतक द्वछि मल्याकया उद्धार यायेधुंकुगु दु ।

यलय् व भोजपुरय् न्याम्ह–न्याम्ह, मकवानपुरय् प्यम्ह–प्यम्ह, यें, खोटाङ ,ओखलढुङ्गा व काभ्रेय् स्वम्ह–स्वम्ह, धादिङ, झापा, सिन्धुलीइ निम्ह–निम्ह व पाल्पा, पर्सा, रामेछाप, ईलाम, सुनसरी, बारा, रौतहट, सिराहा, धनुषा, चितवन व डोल्पाय् छम्ह–छम्ह स्यूगु प्रहरीं न्ह्यथंगु दु । सीपिं मध्य १८ म्ह मिसा व २५ म्ह मिजं खः ।

खुसिबाः व चलखं मकवानपुरय् प्यम्ह, धनकुटाय् स्वम्ह–स्वम्ह, भोजपुर, सुनसरी, काभ्रे व सिन्धुलीइ निम्ह–निम्ह, खोटाङ, धादिङ, चितवन, दोलखा व रामेछापमा छम्ह–छम्ह याना २० म्ह घाःपा जूगु दु ।

अथेहे सिन्धुलीइ खुम्ह, इलाम व मोरङ्गय् स्वम्ह–स्वम्ह, पाँचथर, झापा, उदयपुर, सुनसरी, पर्सा, रौतहट, महोत्तरी, सिराहा, धनुषा, धादिङ, यें व यलय् छम्ह–छम्ह याना २४ म्ह बेपत्ता जूगु दु । सुरक्षाकर्मीं आः नं उद्धार यानाच्वंगु न्ह्यथंगु दु । तनाच्वंपिं यक्व दूगुलिं सीपिनि ल्या अप्वये फइगु न्ह्यथंगु दु ।
Share on Google Plus

News: Newa News

    छ्याता
    फेसबुक छ्याता