सिथि नखः, म्ह्याय् मचा नखः, कुमार छाय् पुज्याइ


थौं जेष्ठ शुक्ल षष्ठी, सिथि नखः । वर्षयामया तयारी नापं लःया मुहान सफा याना दयेदसँ सिथि नखः न्यायेकि । स्वनिगः नापंया नेवाःतयेसं सिथि नखः म्ह्याय् मचा नखः कथं न्यायेकि ।
थौंया दिं तुं, बुंगा, पुखुलिइ पूजा याना सरसफाई यायेगु चलन दु । थुकथं फुक्क मुना पूजा याना आवलिं फोहोर मयाकेत धार्मिक व सांस्कृतिक रुपं बाध्याकारी जुइगु संस्कार देकातःगु खः । सिथि नखः बलय् सरसरफाई यायेधुंका छुं दिं लःया मुहान छ्यलय् मज्यूगु वा संकेमज्यूगु परम्परा दु ।

सिथि नखः या दिनय् भ्वय् नयेगु चलन दुसा नखत्या सःतेमागु चलन नं दु । थौं हे ख्वपया चासखेलय् चण्डीदेवीया पूजा जुइ।

थौं कुमार पुज्याई ।


येंया जैसिदेवलय् कुमार कार्तिकेयया मूर्तियात म्वःल्हुका विशेष पहिरन तिसा व आभुषण तयेका खटय् तया नगर परिक्रमा तकं याइ ।

छें प्रवेश द्वारय् तइगु च्यागु पलेस्वाँया किपा व धातुया कलात्मक अभिव्यक्तिं कुमारया प्रतिक धाइ । कुमार कार्तिकेय महाद्यः व गंगाया काय् कथं कयातःगु दु । तारकासुरया वध याम्ह कुमारया खुगः छ्यँ दुगु व गंगा खुसि सिथय् बूगु पुराणय् च्वयातःगु दु । थ्व अर्थय् गंगाया स्वरुप कुमार कार्तिकेय लः व शुद्धतानाप अन्र्तसम्बन्ध यानातःगु दु ।

थुगु नखतं न्हापानिसें लः व मुहानया सरसफाई यायेमा धका स्यनाच्वंगु दु ।

Share on Google Plus

News: Anonymous

    छ्याता
    फेसबुक छ्याता

1 Comments:

  1. सिथी नखः, वः व चतामरी त्वथला नया सकल नेवाः समाज हनाच्वसा परम्पराकथं ल्वहिती, बुङ्गा (वपी), ज:रु, तु: सफा यायेगु ज्या-खँ सुकुसुकु तनावनाच्वगु बलय् थ्व खँत्वा ब्वने खगुन भाग्य हे ख । शुभाय् ।।
    नेवाःतयगु तजिलजी त म्वाका तय, न्हयाका च्वने धका, दाफा, मंका, पुच: ईत्यादी दयका देया अंश नयाच्वपींस न छुहे पह मयासे छु स्वया च्वगु, अच चाः।
    गुली धाय्, कचाः नाय धाई, यागु छु मदु ।

    ReplyDelete