खबरदारी माेटरसाइकल र्याली १० बजे मुनिगु, ११ बजे न्ह्याइगु


गुठी विधेयक विरुद्ध आन्दोलनरत पक्षले विधेयक खारेजीको माग नापं थाैं शनिबाः मोटरसाइकल र्यालीया ग्वसा ग्वःगु दु । र्यालीया नितिं  १० ता इलय् मुनीगु व ११ ता इलय् न्ह्याइगु धाःगु दु ।

विधेयक लित कया मज्यूगु व खारेज हे यायेमाःगु माग नापं र्याली यायेत्यंगु खः । न्यूरोड जुद्ध शालिकलय् मुना न्ह्याइगु मोटरसाइकल र्याली स्वनिगःया थीथी थासय् चाःहिला किपुलिइ समापन जुइ ।

न्यूरोडं जमः, दरवारमार्ग जुया कमलपोखरी, गौशाला, कोटेश्वर, जडिबुटि पाखें पेप्सीकाेला जुया पुलांगु थिमि वनेत्यंगु दु । थन १० मिनेत आराम कया अनंलि व्यासी जुया सिद्ध पोखरी थ्यंका विश्राम काइ । सिद्धपोखरीं सल्लाघारी, कोटेश्वर, ग्वार्को जुया मंगलबजारय् झासु लनि ।
मंगलबजारं सुरु जुया पूल्चोक, थापाथली, त्रिपुरेश्वर, कालिमाटी, बल्खुजुया किपु परिक्रमा यायेत्यंगु दु । अनंलि किपु गेटय् र्याली समापन जुइ ।

राष्ट्रिय पहिचान संरक्षण संयुक्त संघर्ष समितिया संयाेजनय् जुइत्यंगु र्यालीइ थीथी संघसंस्थाया सहकार्य दु ।

पहिचान व स्वाभिमानया संरक्षणया नितिं राज्ययात खबरदारी यायेत र्याली ग्वसाः ग्वायागु प्रचार विभाग प्रमुख राजाराम तण्डुकारं न्ह्यथनादिल । विधेयक लित कासां हानं षडयन्त्र जुइफूगु व विधेयक खारेज हे यायेमाःगु तण्डुकारया धापू दु ।

गुठीप्रेमीपिंत सामन्ती खनीपिं व संस्कृति संरक्षणया सः तःसा भ्रमय् तःगु धापिं मन्त्रीपिनिगु व्यवहार गैरजिम्मेवारीपूर्ण अभिव्यक्ति जूगु व राजीनामा राजीनामा बीमाःगु संघर्ष समितिका पूर्व संयोजक नापं निर्देशन समितिया दुजः श्यामकृष्ण प्रजापतिं न्ह्यथनादिल ।


Share on Google Plus

News: Newa News

    छ्याता
    फेसबुक छ्याता