सगरमाथा गयेगु झ्वलय् सीपिनि ल्याः झिम्ह थ्यंगु दु । सगरमाथा गयेगु बांलाःगु सिजन जूगुलिं गइपिं म्वःम्वः दु । गइपिं व क्वाहाँ वइपिंनि ल्याः तसकं अप्वःगुलिं लँय् यक्व हे पी माःगुलिं गुलिखय् गइपिनि मृत्यु जूगु दु । तजाःगु थासय् यक्व ई च्वनेमालकि अक्सिजन मगाना, लेक लगेजुया, हिया चाप थां क्वां वना, नुगः चू व स्वँय् समस्या वया उद्धार याये मफया सीगु खः ।
लिपांगु खुसिइ ४४ दँया ब्रिटिश नागरिक रोबिन हायन्स फिसरया मृत्यु जुल । म्हिगः सुथः २८ द्व १५ फिटय् वयेक मन्त ।
नेपाली शेर्पा गाइडतयेसं ट्राफिक जाम जुइगु थाय्यात ‘सी लागा’ नां बियातःगु दु । इमिसं आः ट्राफिक जाम गम्भीर समस्या जूगुलिं सरकारी अधिकारीया ध्यानाकर्षण तकं याःगु दु ।
0 Comments:
Post a Comment