वाङ्मय शताब्दी पुरुषया १००औँ जन्मोत्सव प्रारम्भ


थ्व हे सोमबार वाङ्मय शताब्दी पुरुष सत्यमाेहन जाेशी १०० दँ क्यनेत्य‌ंगु दु । नइ प्रकाशनं छगु ज्याझ्वःया दथुइ जोशी १०० दँ क्यंगु लसताय् शनिबाः निसें जन्मोत्सव प्रारम्भ जुगु घाेषणा याःगु दु । प्रा राजेन्द्र सुवेदी, प्रा डा महादेव अवस्थी व नइ प्रकाशनया दुजः छ्याञ्जे नरेन्द्रराज प्रसाईं जरीनापंया सितुमा क्वखायेका दीर्घ जीवनया कामना याःगु खः । नइ प्रकाशनया हना ज्याझ्वलय् ब्वति काम्ह जोशीयात ९५ दुगु इलय् नइ प्रकाशनया प्रसाइ नं शताब्दी पुरुष उपमा ब्यूगु खः । जोशीया जीवनीइ ‘शताब्दी पुरुष’ च्वःगु खः ।

शताब्दी पुरुष धका सपूतिइ च्वःगु छुं इलय् बयोधा अस्पताल भर्ना जुइमाःगु व ‘शताब्दी पुरुष’ खँग्वलं दीर्घजीवी देकेत वासःया ज्या याःगु जोशीं न्ह्यथनादिल ।

आःयाम्ह प्रधानमन्त्री केपी शर्मा ओलीं धाःथें ‘समृद्ध नेपाल सुखी नेपाली’या आकाङ्क्षा पूवंकेत तःधंगु छें व पावर हाउस जक दयां मगाः भाषा, साहित्य, संस्कृतिया विकासं हे दे समृद्धि जुइगु वयेकलं न्ह्यथनादिल ।

नेपाल सरकारं विसं २०७४ वैशाख २१ गते जोशीलाई ‘वाङ्मय शताब्दी पुरुष’या घाेषणा याःगु खःसा घाेषणा धु‌ंका वयेकःया नागरीक अभिनन्दन तकं जूगु खः ।

बैशाख ३० गते धासा यल महानगरपालिकां १०० क्यंगु लसताय् वृहत ज्याझ्व याना बुदिं हनेत्य‌ंगु दुसा २०७७ बैशाख ३० तक थीथी ज्याझ्वः याना शताब्दि पुरुषया शताब्दि बुँदिं हनेत्यंगु दु ।

Share on Google Plus

News: Newa News

    छ्याता
    फेसबुक छ्याता

0 comments:

Post a Comment