कल्पना महर्जन सगरमाथाया उत्तर व दक्षिण माेहडा‌ं आराेहनयाम्ह न्हापाम्ह मिसा पत्रकार जुल


पत्रकार कल्पना महर्जनं २०७६ जेष्ठ ९ गते बिहीबाः सुथसिया १० बजे जुया २० मिनेटय् सगरमाथाया सफल आरोहण याःगु दु । तिब्बतपाखें आराेहन याम्ह महर्जनं सरगमाथा आरोही तथा मिसा पत्रकार कल्पना महर्जनं हलिंया सर्वोच्च शिखर सगरमाथाया निगुलिं मोहडां सफल आरोहण यायेत सफल जूगु दु । उत्तरी मोहडां सफल आराेहन यायेन्ह्यः वय्कलं नेपालं हे दछिन्ह्यः २०७५ जेठ ९ गते न्हापांगु खुसिइ सगरमाथाया सफल आरोहण याःगु खः ।


कल्पना ६४०० मि बेस क्याम्प लिहाँवय्धु‌का नाइके आर्नाेल्ड काेस्टर नाप
दछि पुलेवं छगू हे गतेय् सगरमाथा गःगुया रिकर्ड तकं तःगु पर्वतारोहण व्यवस्थापन कम्पनी एक्स्पेरियन्स आउटडोर्स नेपाल प्रा लिया निर्देशक रविन्द्र महर्जनं दाबी यानादीगु दु ।

शताब्दी पुरुष संस्कृतिविद् सत्यमोहन जोशीया १००दँ क्यंगु लसताय् दछिदुने थीथी ज्याझ्वः यायेगु तातुना कथं संस्कृतिविदया किपा सगरमाथाय् थ्यंकेगु आज्जु तकं कयातःगु खःसा थुगु आज्जु तकं पुवंगु दु । पत्रकार महर्जनं यल महानगरपालिकाया लाेगाे व शताब्दी पुरुष जाेशीया किपा दुगु ध्वाँय् तकं सगरमाथाय् थ्यंकुगु खः ।



थ्व अभियान नापनापं मू अभियान कथं शिक्षाया माध्यमं बालविवाह रोकथाम अभियान- २०१९ न्ह्याःगु दु । शिक्षाय् जाेड बिया जनचेतना अभिबृद्धि यानायंकेगु व नेपालं हे बालविवाह उन्मुलन यानायंकेगु नितिं थुगु अभियान यायेमाःगु व थ्व तधंगु अभियानया नितिं तधंगु हे ज्या यायेमाःगुलिं थुगु आरोहन यानागु कल्पना महर्जनया धापु दु । सगरमाथा त्याये नापं समाजया कुरिति बालबिवाह नं त्यायेत हाैसला दइगु वयेकं न्ह्यथनादिगु खः । सगरमाथा च्वका गय् बलय्या सँघर्ष थें हे बालबिवाहया उन्मुलन जुइगु महर्जनं सगरमाथा गय् न्ह्यः न्ह्यथनादीगु खः ।

वंगु २०७५ चैत्र २८ गते वयेक सगरमाथा गय्त ल्हासा वंगु खः ।

शिखर आरोहणया नितिं यल महानगरपालिका, यल उद्योग वाणिज्य संघ, युनाईटेड सिमेन्ट्स, मैजान आयल, श्री दक्षिण बाराही ईटा उद्योग, बुद्ध एयर, एभेरष्ट फेसन, महालक्ष्मी लाइफ इन्स्योरेन्स कम्पनी, आई आई एम एस कलेज, इमाडोल स्वीमिंग पुल, डिस होम, एभरेष्ट हार्डवयर, ग्रेस ईन्टरनेशनल कन्सल्टेन्सी, एटिटिएसएचया लिसेंया संघसंस्थां आर्थिक ग्वाहालि याःगु खः ।


CONGRATULATION Everest Summiteer and Female Journalist Kalpana Maharjan and Sonam Lama for your successful summit on Everest from North side 2019.Sincere thanks to our Expedition Partner and Leader Arnold Coster and Maya Sherpa for your wonderful management.
Posted by Experience Outdoors Nepal P.Ltd on Friday, May 24, 2019


Share on Google Plus

News: Newa News

    छ्याता
    फेसबुक छ्याता