नेवाः पत्रकार राष्ट्रिय दबू यें जिल्ला दुजः जितेन्द्र महर्जनयात थाैं नेवाः पत्रकार राष्ट्रिय दबुलिं हने त्यंगु दु । बिचाः व अभिव्यक्ति स्वतन्त्रताया नितिं संघर्षरत जुयादीगुलिं हनेत्यंगु खः । थाैं बिहिबाः यलया जावलाख्यलय् च्वंगु ताम्राकार समाजया हलय् स्वता इलय् हना ज्याझ्वः जुइत्यंगु दबुया केन्द्रिय न्वकू नृपेन्द्रलाल श्रेष्ठ न्ह्यथनादिल ।
सर्बोच्च अदालतया उजंलिपा २२ न्हू हिरासतय् लाम्ह महर्जनयात मंगलबाः जक त्वतूगु खः । नेपाल पत्रकार महासंघया केन्द्रीय दुजः जन्मदेव जैसीं निक्वखुसि तःगु रिट सुनुवाइ यासें दिपककुमार कार्की व हरिप्रसाद फुयालया मंका इजलासं महर्जनयात त्वःतुगु खः ।
वंगु चैत्र २६ गते येंया रामशाहपथस्थित नेपाल बार एसोसिएसनया केन्द्रीय ज्याकुथिं महर्जनयात प्रहरीं ज्वंगु खः । नेपाल पत्रकार महासंघ, क्रान्तिकारी पत्रकार संगठन, नेवाः पत्रकार राष्ट्रिय दबू नापं प्रेस व मानवअधिकारवादिपिंसं पत्रकार ज्वंगुया बिरोध याःगु खः ।
0 Comments:
Post a Comment