चित्तधर हृदयया ११३ क्वःगु बुदिं हन


1139 बछलागा एकादसी - कवि केशरी चित्तधर हृदयया ११३ क्वःगु बुदिं बिहिवाः हंगु दु । नेपालभाषा परिषद्या ग्वसालय् परिषद्या नायः प्रा. सुवर्ण शाक्य, ज्यासना पुचःया दुजःपिं नेपालभाषा साहित्यकारपिन्सं चित्तधर हृदयया कालीमाटी दुवातय् च्वंगु झ्वातास स्वां देछाना हंगु दु । वय्कलं नेपालभाषाय् यानादीगु योगदानयात लुमंकेकथं थुगु ज्याझ्व दँय्दसं बछलागा एकादशी खुन्हु हनेगु यानावया च्वंगु खः ।

ज्याझ्वलय् मिसाखलःया मंगला कारंजित, वरिष्ठ बाखं च्वमि राजा शाक्य, भुषण प्रसाद श्रेष्ठ, कवि श्रीराम श्रेष्ठ, भरत साय्मि, रामशेखर लुमन्ति प्रतिष्ठानया नायः गोविन्द मान श्रेष्ठ, केशरी लक्ष्मी मानन्धर, नेवाः पत्रकार रेखा शाक्य, राजेन मानन्धर, रमेश मानन्धर, नरेश वीर शाक्यपिसं चित्तधर हृदयया झ्वातास स्वां देछानादीगु खः ।

बुखँ-किपाः – अमिर मैया रञ्जित-नेवाः सूचना केन्द्र 
Share on Google Plus

News: Newa News

    छ्याता
    फेसबुक छ्याता

0 comments:

Post a Comment