थौं अक्षय तृतीया, देपुजा न्यायेकाच्वन


बछलाथ्व तृतीयाया दिं थौं दान, होम, जप, तप याना अक्षय तृतीया न्यायेकाच्वंगु दु । अक्षय अर्थात् गुबलें नष्ट मजुइगु खः । हिन्दुशास्त्र कथं छगु महायोग खः अक्षय तृतीया । थुगु महायोग दँय् छक जक वइ । तर थौं छगु दशकलिपाया शुभ व अदभूत संयोग लाःगु दु । हिन्दु पञ्चांग व ज्योतिषाचार्यया कथं सूर्य, शुक्र, चन्द्र व राहु ग्रहया शुभ संयोग थौं दु । थुगु ग्रहया उपस्थिति उच्च राशीइ लानाच्वंगु दु । थ्व संयोग तसकं दुर्लभ व सौभाग्यशाली कथं काइ । थ्व न्ह्यः सन् २००३ य् जक थथे अदभूत संयोग लाःगु खः ।

ज्योतिषतय् कथं थौं याइगु फुक्क सत्कर्मं अक्षय पुण्य बी ।

अक्षय तृतीयाया दिं भगवान विष्णुया अवतार कथं परशुरामया बुँदि वा परशुराम जयन्ती कथं न्यायेकी ।

थौं हे किराँत समाज सुधार दिवस तकं न्यायेकी । यर्जुुवेदय् किराँत खँग्व छ्यलातःगु दु व सँस्कृतय् थुगु खँग्वया अर्थ तसकं हंसमुख वा आकर्षक व बांलाम्ह मनु कथं थुइकेफइ । प्राचीन कालय् किराँत जुजुपिंसं शासन याःगु इतिहास दु । नेपालय् १९६३ दँ किराँत शासन दुगु खः । संस्कृतिविदतय् कथं उबलय्या किराँत आः डंगोल वा ज्यापूत हे खः । थौं यक्व ज्यापुतय् देपुजा नं हनाच्वंगु दु ।
Share on Google Plus

News: Anonymous

    छ्याता
    फेसबुक छ्याता

0 Comments:

Post a Comment