पारागोन प्रोटालस फाउण्डेशन (पिपिएफं) क्रान्तिकारी छात्रवृत्ति कोष “आशा दि होप” शनिबाः घोषणा याःगु दु । थुगु कोषं नेपाःया भविष्य हीलिगु दाबी तकं यानातःगु दु ।
१८०म्ह ल्यूने लाःपिं नापं दय्माःपिं मिसामस्तय्तं निसें सुरु याना प्यदँ दुने द्वछि छात्रवृति बिइगु पिपिएफया आज्जू दु । माइति नेपाल, डोल्पो, बारा, जनकपुर, अछाम व मेमेगु जिल्लांयापिं घरेलु हिंसा, बलात्कार, तिरस्कार, बेचबिखन व विपन्न आर्थिक अवस्थाया मिसामस्त थुगु छात्रवृतिया नितिं ल्ययेज्या जूगु खः ।
मतिनां हलिमय् ह्यूपा हय्फू धैगु विश्वासं पोर्टालस, पोर्टल्याण्डया क्रिस्टोफर बक व येँया तिलगंगाय् च्वंगु पारागन पब्लिक स्कुलया निर्देशन शाकिर उद्दिनं सन् २०१९य् पिपिएफ चाय्कुगु खः । मिस्तय्त स्वाधिन दय्का भविष्यय् नेपाःयात नेतृत्व बी फयेकेगु आज्जु ज्वना चाय्कुगु खः । थ्व ज्याझ्वलं सरकारया फुक्क मस्तय्त शिक्षा बीगु नितियात ग्वाहालि याइगु न्ह्यथंगु दु । थुकिं सामाजिक, भावनात्मक नापं नैतिक शिक्षाया ग्वाहालिं केजी निसें १२ तकया कक्षा काय्त्यंगु दु ।
जीवनय् मस्तय्गु मिखाय् आशा व इमिगु चाहनां हे थुगु छात्रवृत्ति निर्धारण याइगु बकं न्ह्यथनादिल । पिपिएफं मस्तय्त थःगु जीवन नापं समाज व देसय् ह्यूपा हय्त ह्वःता ब्यूगु व थुकिं सकारात्मक ह्यूपा वइगु आशा तकं यानादिल ।
0 Comments:
Post a Comment