जाःमन गुभाजूया प्रिमियर शनिबार


१७ क्वःगु शताब्दीइ ये‌ंया सिद्धहस्त जाःमन गुभाजुया जीवनीइ आधारित संकिपा जाःमन गुभाजू शनिबार प्रिमियर यायेत्यंगु दु ।

जेस्सि पेन्नी इन्टरनेट व वाइड बुल्स प्रोडक्सनं मंका कथं देकुगु ‘जाःमन गुभाजु’ संकिपाया छायाङ्कन चितलाङय् जुगु खः । गुभाजुया दैनिक कार्य तालिकाय् छ्यलाबुलाय् वःगु तन्त्र, मन्त्र नापंया साधनाया बारे थुगु संकिपाय् स्वय् दइ । निघाैया थुगु संकिपा तान्त्रिक विद्यापाखें समाजसेवाय् याःगु योगदान नापं जप, तप, ध्यानया माध्यमं खराब तत्वयात बिफल याःगु नापंया संदर्भ कघानातःगु दु । काठमाडौँ महानगरपालिका–१२ या झिंनिदँया तुं नापं गुभाजुया छें व उगु लागाय् स्थानीयवासी ज्याथाजिथीया अनुभव नापंया अध्ययन व अनुसन्धान लिपा संकिपा देकुगु खः । मुक्कं रु ५० लाखया लागतय् नेपालभाषाय् देकुगु थुगु प्याखँ नेपाली व अङ्ग्रेजी भाषं तकं अनुवाद जुइगु न्ह्यथंगु दु ।

थुगु संकिपाया मू पात्र जामन गुभाजुया भूमिका सुशील राजोपाध्याय व वय्कया तिरिमय्जु कथं सरस्वती मानन्धरं म्हितुगु दु । अथेहे जुजु प्रताप मल्ल कथं पुष्करभक्त माथेमां म्हितादीगु दु । संकिपा निर्देशक रवि सायमीं तन्त्र व दर्शनया आत्मज्ञानी गुभाजुं जुजु प्रताप मल्लया लिक्क च्वना तन्त्र साधनाया माध्यमं येँ व नापसंया सुरक्षा नापंया सन्दर्भ कघानातःगु दु । बागबजारस्थित सिनेम्याट्रिक्सय् ‘च्यारेटी सो’ मंसिर ८ गते जुइत्यंगु खः ।
Share on Google Plus

News: Anonymous

    छ्याता
    फेसबुक छ्याता

0 Comments:

Post a Comment