नेपाःया न्हापांम्ह मिसा न्यायाधिश सत्यभाभा माथेमा नेपाल संवत राष्ट्रिय न्हूदँ समारोह समिति ११३९ या नाय: कथं ल्याज्या यात ल्यगु दु । बुद्धवाः च्वंगु समारोह समितिया दुजः मुज्याय् वय्कया ल्यय् ज्या जुगु खः । उसाँय्या कारणं मथ्यंम्ह ११३८ या नायः चित्तरञ्जन नेपालीं पाै पाखें न्हूम्ह नायः ल्यय्त उजं बियादिगु खः ।
नेपाल संवत राष्ट्रिय न्हूदँ समारोह समिति ११३९ छगू ज्याझ्वःया दथुइ वंगु मंगलबाः निस्वंगु खः । थीथी खलः पुचः पाखें उपस्थित ७० म्हसित दुजःकथं तःगु खःसा दुजःतय् पाखें न्हूम्ह नायः ल्यय्ज्या जुगु खः ।
न्हूम्ह नायःया नेतृत्वय् दुजः मनोनयन, थीथी उप समिति, सचिवालय्, ब्यबस्थापन समिति निस्वंने त्यंगु दु । कार्तिक २२ य् यें थुगु समितिं न्हूदँ ११३९ न्याय्की नापं देन्यंकया न्हूदँ समाराेह समितियात ग्वाहालि नापं संयाेजन तकं याइगु न्ह्यथंगु दु ।
सु खः सत्यभामा माथेमा
नेपाःया न्हापांम्ह न्यायाधिस कथं म्हस्यूम्ह माथेमा जिल्ला न्यायाधिस नापं अञ्चल न्यायाधिस तक जुयादिम्ह खः । थःगु पेशा न्याय सम्पादन जुसां भाषाया ज्याय् सक्रिय जुयादिल । एसएलसीया नितिं भाषाथुवाः प्रेमबहादुर कसाः थाय् ट्यूसन ब्वंझाम्ह वय्कःया साहित्यिक पलाः नं व हे बखतय् न्ह्याःगु खः । ककःचा नांया सफू तकं पितनादिधुंकुम्ह वय्कः भाषा अान्दाेलनय् तकं सक्रिय जुयादिगु खः ।
0 Comments:
Post a Comment