सांसद रामवीर मानन्धरं थः राष्ट्रियसभा सदस्य व मन्त्री जुइगु न्ह्यथनादिल । मन्त्री देकेगु आश्वासनलिपा राजीनामा बीत थः तयार जुयागु वय्कलं न्ह्यथनादिल । वय्कलं न्ह्यथनादिल जि राष्ट्रियसभाय् वनेफु, मन्त्री नं जुइफु ।
वर्दियाय् प्रतिनिधि सभा निर्वाचनय् नेपाली काँग्रेसया संजय गौतमनाप बुम्ह वामदेव गौतमयात यें ७ नं क्षेत्रं निर्वाचन ल्वाकेगु नितिं सांसद मानन्धरं थःगु थाय् खालि यानादिगु खः । नेवाः बाहुल्य दुगु क्षेत्रय् नेवाः प्रतिनिधियात राजिनामा बीका गैह्र नेवाःयात थनेगु निर्णययात नेवाः समुदाय नं आलोचना याःगु दु ।
थ्व हे ह्वःता चूलाका नेपाली काँग्रेसं धासा नेवाः प्रतिद्वन्दी थनिगु सम्भावना अप्वगु दु । कांग्रेसपाखें सिद्धार्थ बनस्थली प्रिन्सिपल रुपक राजवंशी व लौहपुरुष गणेशमान सिंहया म्ह्याय् कान्तासिंह मानन्धरमध्य छम्हस्या टिकट काय् फुगु युगवाणी डटकमं न्ह्यथंगु दु । सिद्धार्थ वनस्थली स्कूलया संस्थापक नापं नेवाः न्ह्यलुवा लक्ष्मण राजवंशीया काय् रुपक छुं इलय् यें काँग्रेस जिल्ला समितिया दाँभरी खःसा कान्ता सिंह नेपाल महिला संघया पूर्व नायः खः । निम्ह मध्य न्ह्याम्हस्यां टिकट कासां नेकपाया वामदेव गौतमं चुनाव बुइगु पक्का खः ।
0 Comments:
Post a Comment