प्रधानमन्त्री ओली लिहाँवयाच्वन । आः दोहाय्

प्रधानमन्त्री केपी शर्मा ओली नेपाली प्रतिनिधिमण्डल नापं कतारया दोहा थ्यंगु दु । संयुक्त राष्ट्र सङ्घया महासभाया ७३क्वगु अधिवेशनय् ब्वति कयाः, कोस्टारिकाया औपचारिक भ्रमण क्वचायेका दे लिहाँ वय्गु झ्वलय् दोहा थ्यंगु खः । वयेक नापं वयेकया तिरिमय्जु राधिका शाक्य नं दु ।

वयेकयात दोहा अन्तर्रा्ष्ट्रिय विमानस्थलय् कतारया कार्यवाहक राजदूत मणिप्रसाद भट्टराई नं लसकुस याःगु खः । प्रधानमन्त्री ओलीं न्यूयोर्कय् महासभायात सम्बोधन यानादिगु दुसा सान होजेय् कोस्टारिकाया राष्ट्रपतिनाप निगु पक्षीय नापलय्ज्या यानादिगु दु । वयेकलं सान होजेय् शान्ति विश्वविद्यालयया (युनिभर्सिटी फर पिस) लःल्हागु मानार्थ डाक्टरया उपाधि कयादिगु खः ।

प्रतिनिधिमण्डलय् परराष्ट्रमन्त्री प्रदीपकुमार ज्ञवाली, प्रम प्रमुख सल्लाहकार विष्णु रिमाल, शिष्टाचार महापाल दीपक अधिकारी नापं नेपाः सरकारया मेपिं वरिष्ठ अधिकारीत दु ।

Share on Google Plus

News: Newa News

    छ्याता
    फेसबुक छ्याता

0 comments:

Post a Comment