समितिया बुधबाः सिंहदरबारय् च्वंगु मूँज्यां यलया खोना व बुङ्गया स्थानीय जनताया मागया सुनुवाइ यायेत उगु लागादुने लाःगु थुगु द्रुतमार्गया बुधबाः स्थलगत अनुगमन यायेगु क्वःछ्यूगु खः ।
खोना व बुङ्गया स्थानीयं जग्गाया मुआब्जा खःगु ढंगं मब्यूगु धासें न्याय बीत माग यासें राज्य व्यवस्था व सुशासन समितिइ उजुरी ब्यूगु खः । उगु उजुरीयात सम्बोधन यायेत थःपिं स्थलगत अवलोकन याय् त्यनागु समितिया दुजः पम्फा भुसालं न्ह्यथनादिल ।
तर समितिया मेम्ह दुजः कृष्णगोपाल श्रेष्ठं उगु द्रुतमार्गया स्थलगत अनुगमनय् वनेगु समितिया क्वछिनाय् असहमति प्वंकादिल । वय्कलं उगु द्रुतमार्गया पीडिततय्त हे समितिइ सःता सुनुवाई याय्ज्यूगु न्ह्यथनादिल । नेपाली सेनायात हे समितिया मूँज्याय् सःता द्रुतमार्गबारे विस्तृत जानकारी काय्माःगु समितिका दुजः श्रेष्ठं न्ह्यथनादिल ।
नेपाली सेनां जिम्मा काःगु द्रुतमार्ग स्थानीय जनतां अवरुद्ध यानाच्वंगु खः । स्थानीय जनताया नुगःखँ न्यना सरकारयात सचेत याकेगु समितिया योजना दु ।
0 Comments:
Post a Comment