दुर्गा भवानीया मूर्ति चुइकेगु झ्वलय् कपिलवस्तुया कृष्णनगरय् विवाद जुया कपिलवस्तु जिल्ला प्रशासन ज्याकुथिं कफ्र्यु तःगु दु ।
ल्याम्हत दथुइ ल्वापु जुगुलिं अाइतबार सनिल ५ ता इनिसें मेगु उजं मवःतले कफ्र्यु लागु याःगु खः । तनावग्रस्त जूसेंलिं जिल्ला प्रहरी ज्याकू तौलिहवां थप सुरक्षाकर्मी छ्वःगु खः ।
प्रमुख जिल्ला अधिकारी व सुरक्षा संयन्त्रया मूज्यां जिल्लाया शान्ति सुरक्षा कायम याय्त स्थानीय प्रशासन ऐन २०२८ दफा ६ (क) कथं कृष्णनगरनिसें उत्तरय् वडाया पोखरी, पश्चिमय् झण्डी नगर शिर्शिहवा चुक, पूर्वय् सेमरा गाँ, दक्षिणय् नेपाः–भारत दशगजा लागाय् कफ्र्यु तःगु प्रजिअ अर्जुनप्रसाद पोखरेलं न्ह्यथनादिल।
प्रजिअ पोखरेलया कथं सामान्य विषय जुसां हिंसा जुइगु अाशंकां ‘कफ्र्यु’ जारी यानागु न्ह्यथनादिल । वयेकया कथं निन्हुतक ज्यंकेत स्वःसां कुतः ताः मलाःगुलिं थथे उजं बियागु न्ह्यथनादिल ।
0 Comments:
Post a Comment