नेपाल कम्युनिष्ट पार्टी (नेकपा)या सचिवालय दुज वामदेव गौतमं नेपाल प्रहरीया पूर्व महानिरीक्षक अच्युतकृष्ण खरेलं थःगु चरित्र हत्या यायेत स्वःगु न्ह्यथनादिल । खरेल प्रकाशित ‘आत्मकथा’य थःगु छें पत्रकारत नापया खँल्हाबल्हाय् पूर्वउपप्रधान नापं गृहमन्त्री गौतमं खरेलया प्रकाशित ‘अच्युतकृष्ण खरेल आत्मकथा’ नांया सफुतिं थःत न्ह्यथना छम्ह पत्रकारपाखें रु २० लखया प्रस्ताव छ्वःगुलि अस्वीकार यानागु धैगु मखुगु खँ च्वया चरित्र हत्या यायेत स्वःगु न्ह्यथनादिल ।
“खरेलया आत्मकथाय् थम्हं सु पत्रकार छ्वयाः रु २० लख प्रस्ताव याना । २० लखया प्रस्ताव ज्वना वम्ह व सु पत्रकार खः ? खरेलं पुष्टि यायेमा । थःगु आत्मकथाय् यःयःथे मखुगु खँ च्वया चरित्र हत्या यायेत स्वय्गुला ?” गौतम गर्जे जुयादिल । वयेकलं खरेलं आइजिपीं चीकागुया बदला थःगु आत्मकथापाखें सार्वजनिक याःगु दाबी यानादिल । “जितः खरेलयात चीके मन मदुगु खः । जि गृहमन्त्री जुइधुंका उबलय्या पार्टी नायः मनमोहन अधिकारी व महासचिव माधव नेपालं न्हापांगु ज्या स्थानीय निर्वाचन जुइमा धइदिल । तर, खरेलया पालय् स्थानीय निर्वाचन याये मफइगु खनेदत । बाध्य जुया पार्टीया उजंकथं तत्कालीन प्रधानमन्त्री लोकेन्द्रबहादुर चन्दया सहमतिई खरेलयात चीकागु खः ।” खरेलयात मचीकुगु जुसा स्थानीय तहया निर्वाचन जुइ हे मफइगु वय्कलं दाबी यानादिल ।
छ्याता
फेसबुक छ्याता