पुलांम्ह अर्थमन्त्री नापंं अर्थविद श्रेष्ठ मन्त


पुलांम्ह अर्थमन्त्री नापंं अर्थविद डा बद्रीप्रसाद श्रेष्ठया निधन जुगु दु । वय्क ८७ दँय् मदुगु खः । ताः र्इ निसें थीथी ल्वचं कःम्ह श्रेष्ठ साेमबार मदुगु खः । मदुम्ह श्रेष्ठ नेपालया न्हापांगु पुस्ताया अर्थशास्त्री जुयादी ।

वय्कलं च्वयादीगु एन इन्ट्रोडक्सन टु नेपलिज इकोनोमी नांया सफू नेपाःया अर्थशास्त्रया अद्ययनया नितिं मदय्कं मगाःगु न्ह्यथना दु ।

पुलांम्ह जुजु ज्ञानेन्द्रं देकुगु मन्त्रीपरिषदय् वय्क अर्थमन्त्री तकं जुयादीगु खः । लोकेन्द्रबहादुर चन्द प्रधानमन्त्री जूगु इलय् २०५९ मंसिर २ निसें २०६० जेठ २० गतेतक वय्कलं अर्थमन्त्रालय कःघागु खः ।

जुजुवादी जूगु स्वयां बिषय बिज्ञ कथं वय्कयात अर्थमन्त्री देकुगु खः । अकें व्यवस्थाया प्यखेरं बिरोध जूसां डा. श्रेष्ठया गनं बिरोध मजू ।

वय्क अर्थमन्त्री जूगु र्इलय् राष्ट्रबैकय् कार्यकारी निर्देशक जुयादिम्ह डा युवराज खतिवडायात योजना आयोगया दुजः देकादीगु खः । खतिवडा अाः अर्थमन्त्री जुयादी ।

श्रेष्ठया तिरिमय्जु, काय् व म्ह्याय् दी ।
Share on Google Plus

News: Newa News

    छ्याता
    फेसबुक छ्याता