अनु मलिकयात नं यौन दुर्ब्यावहारया द्वपं


भारतीय चर्चित संगीतकार नापं गायक अनु मलिकयात नं यौन दुर्ब्यावहारया द्वपं लाःगु दु । मलिकविरुद्ध सोना महापत्रा व स्वेता पण्डितं यौन दुर्ब्यावहार याःगु द्वपं तःगु दु ।

यौन दुर्ब्यावहार याःगु विषय ह्यासट्याग ‘मि–टु’ पाखें सार्वजनिक जूसेंलि लोकंह्वाःगु ज्याझ्वः इण्डियन आईडलया ‘जज’ जुयाच्वंम्ह मलिकं राजिनामा ब्यूगु दु । सोनी च्यानलं  मलिक इण्डियन आईडलया ‘जज’पाखें राजिनामा ब्यूगु पुष्टि याःगु खः ।

थ्व न्ह्यः यौन दुर्ब्यावहारया द्वपनय् भारतया केन्द्रीय मन्त्री एमके अकबरं नं राजीनामा ब्यूगु खः । अथेहे, यक्व कलाकार, पत्रकार, लेखक व राजनीतिक नेतृत्वयात ‘मि–टु’ पाखें यौन दुर्ब्यावहारया द्वपं तयेधुंकुगु दु ।
Share on Google Plus

News: Newa News

    छ्याता
    फेसबुक छ्याता