बर्खास्त जूपिं बिष्ट व भट्ट अदालत वनीगु


कन्चनपुरया१३ दँया मिसामचा निर्मला पन्तया बलात्कारलिपा हत्या प्रकरणय् बर्खास्त जुम्ह एसपी डिल्लीराज बिष्ट व इन्स्पेक्टर जगदीश भट्टं सरकारया निर्णय विरुद्ध अदालत वनेत्यंगु दु ।

बिष्ट व इन्सपेक्टर भट्टं सरकारयात बिहीबाः निक्गु स्पष्टीकरण लःल्हाय् खतं गृहं बर्खास्त याःगु खः । बुधबाः एसपी बिष्ट व इन्सपेक्टर भट्टं स्पष्टीकरण लःल्हाय्धुंका हानं गृह मन्त्रालय नं इम्त निक्वगुखुसी स्पष्टीकरण फ्वंगु खः ।

पासाया छें वने धका पिहाँवंम्ह पन्तया छन्हुलिपा अर्थात वंगु साउन ११ गते भीमदत्त नगरपालिकाया तुक्यबय् बलात्कारलिपा हत्या जूगु अवस्थाय् सीम्ह लूगु खः । एसपी विष्ट उगु इलय् कन्चनपुरया प्रमुख व भट्ट घटना लागाया इलाका इन्चार्ज खः ।

घटनायात कयाः प्रहरी प्रधान ज्याकुथिं प्रहरीया भूमिका सम्बन्धय् अनुसन्धान यायेत एआईजी धिरु बस्नेतया संयोजकत्वय् छानविन समिति गठन याःगु खः । गृह मन्त्रालय नं सहसचिव हरिप्रसाद मैनालीया संयोजकत्वय् छानबिन समिति देकुगु खः । मैनाली नेतृत्वय समितिं प्रहरीं घटनाया अनुसन्धानय् तच्वकं लापरबाही याःगु क्वछ्यूगु खः । घटना जूगु ९२ न्हुतक ७ गु छानवीन समिति देकेधुंकुगु दु । तर अझनं अभियुक्त सीके फुगु मखुनि ।
Share on Google Plus

News: Newa News

    छ्याता
    फेसबुक छ्याता