धार्मिक तीर्थस्थल कथं नांजागु ख्वपया प्रसिद्ध प्राचीन इन्द्रदह त: पुखुलिइ(सिद्धपुखु) थौं सुथः निसें मेला जुयाच्वंगुु दु । येंयाःया लसताय् येंयाःया कन्हेकुन्हु थन मेला जुयावयाच्वंगु दु । इन्द्रदहस म्वः ल्हुया इन्द्रायणी देवीया पूजाआजा याय्त भक्तजनत म्वःम्वः वयाच्वंगु दु ।
द्यःतय् नं द्यः इन्द्रं म्वःल्हूगु पुखु जुगुलिं थन म्वःल्हूया इन्द्रायणी देवीया पूजाआराधना याःसा पुण्य प्राप्ति नापं पारिवारिक सुख, समृद्धि दइगु जनविश्वास दु ।
येंयाः खुन्हु ख्वपया खौमा त्वाःया इन्द्रायणी देवीया मूर्तियात खटय् तयाः जात्रा याना सिद्धपुखुलिइ हयाः बिराजमान याका तान्त्रिक विधिपूर्वक पूजा व भोगवली बीमागु परम्परा दु । परम्परागत बाजं नापं दाफा व भजन हालेगु प्रचलन नं दु ।
सिद्धपुखुलिइ लिच्छवीकालीन निसें मल्लकालतकया शैव, शक्ति, बौद्ध, वैष्णव सम्प्रदायया द्यःया मूर्तित दु । अनावृष्टि जुया सिद्धपुखुलिइ वयाः वासुकी नागयात पूजा यायेगु र जलवृष्टिया नितिं तान्त्रिक पूजा याय्गु थन प्रचलन दु ।
0 Comments:
Post a Comment