सापारु न्याय्काच्वंन


थौं गुँलागा प्रतिपदा परम्परागत सांस्कृतिक नखः सापारु न्याय्काच्वंगु दु । दछि दुने मदुपिं थःथितिया लुमन्तिइ सायाः यंकेगुु चलन दु । सा वा मनुयात साया रूपमा छायेपिया थःथःगु लागाय् चाःहिकि । थथे चाहिलिपिंत दुरु, फलफूल, मरी, बजि, धौ, जुस नापं अन्न वा द्रव्य दान याइ ।

सीपिंत साया न्हिप्यं ज्वंका वैतरणी पार याकिगु धार्मिक विश्वास दु । थ्व हे विश्वासया लिधंसाय् साया न्ह्याकुगु खः । राजा प्रताप मल्लं काय् मदया थः लानी तच्वकं शोकं कःगुलिं थःपिनि काय् जक मखु देसय् यक्व काय्पिं मदुगु दसु क्यने कथं थुगु सापारु न्ह्याकुगु धापु दु । थुकिं नं लानिया मन शान्त मजुया थीथी प्रहसन व व्यङ्ग्यात्मक याकेत उजं ब्यूगु कथं जात्राया प्रचलन जुगु खः ।





थुगु नखःया झ्वलय् प्रहसन, सामाजिक विकृतिप्रति व्यंग्यात्मक प्रदर्शन, नाचगान व मदुम्हेसिया लुमन्तिइ रामायणया करुणरसया म्ये तकं हालि ।

सापारु स्वनिगः नापं काभ्रेपलाञ्चोक, सिन्धुपाल्चोक, नुवाकोट, दोलखा, खोटाङ, भोजपुर, सङ्खुवासभा, इलाम, सुनसरी, मोरङ, पर्सा, मकवानपुर, कास्कीनापंया जिल्लाय् न्यायेकाच्वंगु दु ।

थौं हे झ्वलय् येँया बाहाबहिलिइ बहिद्यः ब्वयेगु चलन दु । बहिद्यः स्वः वनेगु कथं गुँला बाजं थुगु बहाः बहिलिइ चाहिकिगु चलन दु ।

सापारुया लसताय् स्वनिगलय् सार्वजनिक बिदा बियातःगु दु ।

सापारू खुनु  खानेदुगु  लु :



Share on Google Plus

News: Newa News

    छ्याता
    फेसबुक छ्याता

0 comments:

Post a Comment