नेवाः पत्रकार राष्ट्रिय दबू या तालिम न्ह्यात

नेवाः पत्रकार राष्ट्रिय दबू तालिम विभागया ग्वःसालय् संचार माध्यमया निंति समाचार गुकथं च्वयेगु नापं संचारकर्मी पिनिगु क्षमता अभिवृद्धि लिसें संचारकर्मी अप्वयेकेगु मूतातुना तया यलया ताम्रकार समाज जाह्वला ख्यलय् न्ह्यागु दु । थ्व तालिम श्रावण १८ व १९ गते निन्हु यंक न्ह्याइगु जानकारी प्राप्त जूगु दु । समाचार, संकलन, लेखन, समाचार कोण(पत्रिका, रेडियो, टेलिभिजन) नापं अनलाईन पत्रकारिता सम्बन्धि विविध पक्षया तालिम जुइगु जानकारी ग्वसाखलकं धाःगु दु ।


थुगु तालिमय् वरिष्ठ पत्रकार धर्मेन्द्र झा पाखें समाचार, संकलन व लेखन, पत्रकार सुरजबीर बज्राचार्यपाखें रेडियो निंति च्वयेगु तरिका, वरिष्ठ पत्रकार गजूरधन राई पाखें टेलिभिजनया लागि च्वयेगु तरिकाया बारे तालिम बिइगु खँ धाःगु दु । तालिमया न्हापांगु दिं श्रावण १८ गते सुथसिया ८ ताःइलय् न्ह्यागु दु । कन्हे श्रावण १९ गते न सुथसिया ८ ताःइलय् न्ह्याइ धाःगु दु । तालिमय् मुक्क ३० म्ह प्रशिक्षार्थीपिं ब्वतिदूगु खः । व्यावासयिक सामाजिक उत्तरदायीत्व सिद्धान्तया न्हूगु प्रयोगकथं गोल्डेन डायमण्ड ज्वेलरीं थुगु पत्रकारिता तालिमय् ग्वहाली ग्वःगु खः ।


Share on Google Plus

News: Tuladhar Bigen

    छ्याता
    फेसबुक छ्याता

0 Comments:

Post a Comment