जनजातिया साँस्कृतिक अवलोकन भ्रमण


अशोक सुजन श्रेष्ठ / मकवानपुरया आदिवासी जनजाति संघसंस्थाया प्रतिनिधित ५ न्हुयंकया साँस्कृतिक अवलोकन भ्रमण याना लिहांवःगु दु । हेटौंडा उपमहानगरपालिकाया ग्वाहालि व नेपाल आदिवासी जनजाति महासंघ हेटौंडाया ग्वसालय् भ्रमण जुगु खः ।

आदिवासी जनजातिया भाषा, कला, संस्कृतिया अवस्था, संरक्षणया कुतः व संघसंस्थाया अवस्था जानकारी बीगु आज्जु नापं भ्रमण ग्वसाग्वःगु खः । नेपाल आदिवासी जनजाति महासंघ हेटौंडाया नायः जंगबहादुर गुरुङया नेतृत्वय् भ्रमण क्वचाःगु खः । भ्रमणय् हेटौंडा उपमहानगरपालिकाया बोर्ड दुजः नापं दनुवार जागरण समितिया कृष्णबहादुर राई दनुवार नापंया ब्वति दुगु खः ।

पुचलं धादिङ्ग, नुवाकोट, रसुवा, काभ्रे, सिन्धुली नापंया जिल्लाय् आदिवासी जनजाति महासंघ व जातीय संघसंस्थाया प्रतिनिधीनाप नापलाना सहलह याःगु खः । भ्रमण पुचलं मकवानपुरय् क्रियाशिल तामाङ्ग, मगर, नेवाः, भुजेल, थारु, गुरुङ्ग, राई, दनुवार नापंया जातीय संघसंस्थाया ३० म्ह प्रमुख, प्रतिनिधीया ब्वति दुगु खः ।

Share on Google Plus

News: Newa News

    छ्याता
    फेसबुक छ्याता

0 comments:

Post a Comment