दिल्ली रत्न तुलाधर पाखें कासामि पिंत ग्वाहालि


नेपालं न्हापांगु खुसि मिसा सर्कल कबड्डी धेधेबल्लाखय् ब्वति कायेत्यंगु दु । नेपाः नापं इन्दोनेसिया, इन्डिया, श्रीलंका, मलेसिया, पाकिस्तान, इराक व थाइल्याण्ड याना च्यागु देया कासामिपिंस थुगु कासाय् धेधेबल्ला यायेत्यंगु दु ।

मे ११ निसें १३ तक मलेसियाया क्वालालाम्पुरये जुइगु कासाय् नेपाया १२ म्ह मिसा कासामिपिंसं ब्वति काःगु दुसा ट्रेनिंग व मू कासाया नितिं दिल्ली रत्न तुलाधरं जर्सि प्रायोजन यानादिगु दु । कबड्डी व कुस्तीया मेल दुगु थुगु सर्कल कबड्डी बिस्कं कथंया कासा जुगु व थुगुसि नेपालं ऐतिहासिक ब्वति काःगु तुलाधरं न्ह्यनथादिल ।

बिदाइ ज्याझ्वलय् अखिल नेपाल कबड्डी संघया नायः नापं प्रतिनिधि सभा सांसद तुल्सा थापां कासामिपिंत भिन्तुना देछासें नेपाःया नां तय् कथं कासा म्हितेत हौसला बियादिल । 
Share on Google Plus

News: Newa News

    छ्याता
    फेसबुक छ्याता