न्हू पुस्तायात विश्व सम्पदा पदयात्रा


युनेस्को विश्व सम्पदा हनुमानध्वाखा निसें युनेस्को विश्व सम्पदा स्वयम्भूतकया पदमार्गया न्हापांगु खुसि आधिकारिक पदयात्रा जुगु दुु । थुगु एतिहासिक पदयात्रा सदा अविस्मरनीय जुइगु प्रतिनिधि सभा सांसद जीवनराम श्रेष्ठं न्ह्यथनादील । न्हू पुस्तायात जनचेतना नापं सँस्कृति हस्तान्तरण याय्गु तातुना नापं विश्व सम्पदा ब्वनामि पदयात्रा थौं तःजिक क्वचाल । विश्व सम्पदा हनुमानध्वाखा निसें विश्व सम्पदा स्वयम्भूतकया पदमार्गया थीथी सम्पदा क्यनेगु तातुना नापं सांसद श्रेष्ठया अगुवाइलय् ब्वनामितय्त पदयात्रा याकुगु खः । येँ वडा २०या वडाध्यक्ष राजेन्द्र मानन्धरया संयोजनय् थुगु ब्वनामि पदयात्रा जुगु खः । वडा नं १५, १८ व २० या वडाध्यक्षपिं इश्वरमान डंगोल, न्हुछेकाजी महर्जन व राजेन्द्र मानन्धरं मंका कथं रिवन चाना उलेज्या यानादिल ।


 मरु गणेद्यः या न्ह्यःने श्री गणेशाय् याना मरु हिति, सन्तानेश्वर महाद्यः लागा, मरुबहि, बञ्जाहिति, चसान, दमाइ टोल, सुन्ता गल्ली, पाछै गल्ली, न्यत, ताम्सिपाखा, भुरुङ्गख्यः, तप्यंता, डल्लु, धिमेंल्वहँ, भगवान पाउ जुया भुइख्यलय् समापन याःगु खः । उपस्थित माउण्ट ग्लोरी स्कूल व मोडर्न नेवाः इङ्गलिस स्कूल नापंया ब्वनामिपिंत विश्व सम्पदा उत्सव मूल समारोह समितिया सचिव डिल्ली रत्न तुलाधरं लसकुस यानादिगु खःसा ब्वतिकापिंत सांसद श्रेष्ठं सुभाय् देछानादिगु खः ।
विश्व सम्पदा पदमार्ग निर्धारण नापं व्यवस्थित याय्त निस्वंगु विश्व सम्पदा उत्सव मूल समारोह समितिया ग्वसालय् जुयाच्वंगु थुगु अभियान कथं म्हिगः सरसफाई क्वचागु खःसा थौं ब्वनामि हेरितेज वाक जुगु दुसा ४ गते कासा दिवस, ५ गते फोटो वाक, ६ गते हुलाक टिकट प्रदर्शनी, ७ गते आर्ट वर्कशप व ८ गते हेरिटेज वाक नापं मू ज्याझ्वः 
Share on Google Plus

News: Tuladhar Bigen

    छ्याता
    फेसबुक छ्याता

0 comments:

Post a Comment