नेपाःया व्यावसायिक मोडलतय्गु तःजिगु फेसन–शो जुइगु


येँ रेडियन्ट इभेन्ट म्यानेजमेन्ट एजेन्सीया ग्वसालय् तःजिगु फेसन–शो फेसन युनाइट्स जुइगु जूगु दु ।
एस म्याम बुटिकया संयोजनय् जुइत्यंगु फेसन युनाइट्सय् २४म्ह व्यावसायिक नेपाली मोडलतय्गु ब्वति दइगु ग्वसाः खलकं जानकारी ब्यूगु दु । ब्राइडल लेहेङ्गा, गाउन फ्यूजन, वेस्टर्न वेयर, इम्ब्राइडरी, पदमावती, जडाजी डिजाइन, समर पार्टीवेयर, क्याजुयल लिसेंया ल्वःवनापुस्सेच्वंगु वसतय् उपिं मोडलतय्सं क्याटवाक याइ ।


शो दुने न्ह्यब्वइगु वसःत श्रीषा बैदार फैंजु, एनी तण्डुकार, समन प्रजापति, उपासना सराफ, सुमी श्रेष्ठ व अमितेष कर्णं डिजाइन यानादीगु दु । फेशन शोया कोरीयोग्राफी नेपालया नांजाःम्ह मोडल अले कोरियोग्राफर राज फैंजुं यानादीगु दु । कोरीयोग्राफर फैजु थुगु ख्यलय् निगू दशक न्ह्यःनिसें सक्रिय जुया वयाच्वनादीम्ह खःसा वय्कलं राष्ट्रिय अन्तर्राष्ट्रिय शो तकं कोरीयोग्राफी यानादीधुंकल ।
नेपाःया लोकंव्हाःपिं व्यावसायिक मोडलतय्गु दथुइ वइगु चैत्र २३ गते येँया त्रिुपरेश्वरस्थित ब्लु–स्टार होटलय् थुगु ज्याझ्वः जुइगु ग्वसाः खलः रेडियन्ट इभेन्ट म्यानेजमेन्ट एजेन्सीया फाउण्डर डाइरेक्टर तकं खःम्ह कोरियोग्राफर राज फैंजुं जानकारी बियादीगु दु ।
Share on Google Plus

News: Tuladhar Bigen

    छ्याता
    फेसबुक छ्याता

0 Comments:

Post a Comment