विश्व सम्पदा दिवसया लसताय सम्पदा पदयात्रा




येँ, दुगु  निगु विश्व सम्पदायात क:घाना विश्व सम्पदा दिवसया लसताय हेरिटेज वाक जुइ त्यंगु  दु । यें या हनुमान ध्वखा निसें स्वयम्भु तक सम्पदा यात्रा याय्त्यन्गु दु। सम्पदा संरक्षण प्रबर्धन व प्रचार प्रसार यायेगु नितिं थुगु यात्रा जुइत्यंगु सांसद जीवनराम श्रेष्ठं न्ह्यथनादिल । थुगु कथं हलिमे छगु बिश्व सम्पदा निसें मेगु बिश्व सम्पदा तक पदयात्रा  आ: तक गनं मजुगु व थुकिं पर्यटन ब्यबसाय यात नं तिब: बीगु श्रेष्ठं न्ह्यथनादिल । निगु विश्व सम्पदा स्वाकेगु न्हापांगु खुसि जुसां थुकीं निरन्तरता काइगु व स्थानीय नापं देया ब्यबसाय नं उत्थान जुइगु जानकारी बिउगु दु ।

जन प्रतिनिधि व स्थानीय बासिन्दा जाना थुगु ज्याझ्व: ता:लाकेगु नितिं बिश्व सम्पदा उत्सव मूल समारोह समिति सांसद श्रेष्ठया अग्रसरताय गठन जुगु दु । थुगु मूल समारोह समिति अन्तर्गत संयोजन समिति नं गठन जुगु दु।
संयोजन समितिया निर्देसन  कथं जीवनराम श्रेष्ठं च्वानादिगु दुसा दुज: कथं  समितिइ सांसद रामवीर मानन्धर, प्रदेशसभा सांसद राजेश शाक्य वसन्त मानन्धर व येँ महानगरपालिका प्रमुख विद्यासुन्दर शाक्य च्वनादिगु दु ।

अथेहे उगु मूल समारोह समितिइ अन्तर्गत ज्याझ्व सफल यगु निति समारोह कार्यनयन समिति नं गठन जुगु दुसा थुगु समिति संयोजक कथं येँ महानगरपालिका प्रमुख विद्यासुन्दर शाक्य च्वानादिगु खसा छ्याँजे कथं स्थानीय डिल्लीरत्न तुलाधर, दांभारी विन्देश्वर श्रेष्ठ अथेहे दुज: कथं बालकृष्ण  महर्जन, प्रकाश अमात्य, विजय श्रेष्ठ, अञ्जलि मास्के, सुस्मा राजभण्डारी, सागर मान बज्राचार्य व नापं वडा नं १५, १८, १९, २०, २३ व २४ या वडाध्यक्षपिं  च्वानादिगु दु ।

२०७५  वैशाख ५  गते जुइगु  विश्व सम्पदा दिवशया  निति  सप्ताहब्यापी  ज्याझ्व:त  थुगु  समितिं न्ह्याके त्यंगु दु ।

सप्ताह ब्यापी ज्याझ्व:या धलः थन न्ह्यब्वयातयागु दु :

२०७५ बैशाख २ गते : पदयात्रा लंपुई सरसफाई
२०७५ बैशाख ३ गते :  फोटो वाक 
२०७५ बैशाख ४ गते :  कासा दिवस 
२०७५ बैशाख ५ गते :  बिद्यार्थी हेरिटेज वाक 
२०७५ बैशाख ६ गते :  हुलाक टिकट प्रदर्सनी  
२०७५ बैशाख ७ गते :  आर्ट वर्कसप 
२०७५ बैशाख ८ गते :  मू ज्याझ्व: हेरितेज वाक  
Share on Google Plus

News: Tuladhar Bigen

    छ्याता
    फेसबुक छ्याता