थौं पाहाँचह्रे। नेवाः तय्गु मौलिक नखः पाहाँचह्रे तःजिक जात्रा न्याय्का सुरु जुगु दु । थुगु जात्राया इलय् येँ महानगरपालिका दुनेया भित्री शहरया थीथी देगःया मुर्ति खतय् तयाः जात्रा याय्गु चलन दु । थ्व है जात्राया मू कंग अजिमाया जात्रा यट्खा त्वालं श्री कंग अजिमा खलःया गुथियारतय्सं सुथः ४ बजे द्यः छें नं क्वाँ बिज्यागु खः । थ्व जात्रा परापूर्वकालनिसैं निरन्तर न्ह्यानाच्वंगु कंग अजिमा खलः संरक्षण समितिया कार्यबाहक नायः बालकृष्ण महर्जनं न्ह्यथनादिल । पाहाँचह्रेया दिं कंकेश्वरीइ यःसिं थना शुरु जुइगु थुगु जात्रा टैकु निसें साउनेपाटीतक थीथी त्वालय् परिक्रमा याइ । स्वन्हु तक न्ह्याइगु थुगु जात्राय् औंशीया चान्हय् तिंख्यलय् व प्रतिपदाया दिं असनय् वटुया लुमधि अजिमा व टेबहाःया लुमधि अजिमा नाप मिप्वा हिलेगु याइ । थुकियात द्यः ल्वाकेगु धका नं धयावयाच्वंगु दु।
कंग अजिमाया खः जात्राया धलः थन न्ह्यब्वयातयागु दु :
चैत्र २ गते शुक्रबाः यटखा दुगु द्यछे पाखें जात्रा सुरु ई : ५ सनिल बजे निसे ९ बजे टक
चैत्र ३ गते शनिबाः विष्णुमति किनार कंकेशोवरी निसे जात्रा सुरु ई सुथ ७ निसे ११ बजे टक
बहानी तिनख्योले द्य ल्वाकिगु ई १० बजे बहानी
चैत्र ४ गते आइतबाः यटखा दुगु द्यछे पाखें जात्रा सुरु ई सुथ ५ निसे ७ बजे टक
असने द्य ल्वाकिगु ई २ बजे न्हीने
किपा: बाल कृष्ण महर्जन
0 Comments:
Post a Comment