धिमेल्वहँ त्वालय् च्वंगु गणेद्यया म्हासिका



येँ महानगरपालिका वडा नं १५ धिमेल्वहँ त्वालय् च्वंगु गणेद्यया देगः नापसं च्वंगु पुलांगु देगः खः थ्व । थुकिया स्थापना गुबले जुगु मस्यूसां गणेद्य देगः, कुमारी व कुमार भैरवया देगः छगु हे ल्वहतँ देकातःगु जनबिस्वास दु ।
न्हापा सतक मदुगु इलय् धादिंग नापंया पश्चिम पाखे वनेगु मू लँय् लाःगु थुगु देगलय् हिन्दु व बौद्ध निगुलिं धर्मालम्वीपिंसं पुजाआजा यानावयाच्वंगु दु ।

थुगु देगलय् स्थानीयतय्सँ थः मस्तय्गु जन्को व ब्याहाबलय् वय्माःगु व थन ब्याहाया इलय् निगुलिं पक्षया गुरुजुपिं दथुइ न्ह्यइपुगु खँल्हाबल्हा जुइगु स्थानीय संयुक्त क्लवया सल्लाहकार ज्ञानेन्द्र रत्न बज्राचार्यं न्ह्यथनादिल । १०८ गणेश मध्ये महत्वपूर्ण पीठ कथं कयातःगु थुगु गणैद्ययात त्वायापिंसं पवित्र थाय् कथं पुजा अर्चना यानावयाच्वंगु दु । प्राचिन इ निसें हे ब्यागलं त्वाःया म्हसिका स्थापित याय्त गणेद्यया देगः थापना याय्गु प्रचलन दुगु बज्राचार्यं न्ह्यथनादिल  । सम्पदा मार्गया महत्वपूर्ण थुगु दैगःयात संरक्षण याना वैगु पुस्तातय्गु लागि सांस्कृतिक सम्पतीया जगेर्ना याय्त व म्हसिका स्थापना याकैगु अभियानय् जुयाच्वनागु संयुक्त क्लवया छ्याञ्जे निरज श्रेष्ठं न्ह्यथनादिल ।

किपा: राजेन्द्र चित्रकार
Share on Google Plus

News: Tuladhar Bigen

    छ्याता
    फेसबुक छ्याता

0 comments:

Post a Comment