धिमेल्वहँ त्वालय् च्वंगु थ्व मुर्ति हजारौ वर्ष पुलांगु


येँ, महानगरपालिका हनुमान ढोका दरवार क्षेत्रनिसे स्वयम्भू वनेगु लँय् दुगु सम्पदा मार्गय् च्वंगु भिन्द्यःया देगः, महत्वं जाःगु धार्मिक सम्पदा खः । येँ, महानगरपालिका वडा नं १५ धिमेल्वहँ  त्वालय् च्वंगु थ्व मुर्ति हजारौ वर्ष पुलांगु ख:सा राणा प्रधानमन्त्री चन्द्र शमशेरया इलय् लुगु खः ।

थ्व मुर्ति डल्लु आवास क्षेत्रया माल्सटार धइगु थासय् गा म्हुइगु झ्वलय् लुगु खसा आ थ्व मुर्तियात स्थानीय मनूतय्सं अन दुगु सत्तल नापं च्वंगु सार्वजनिक जग्गाय् देगः दय्का प्रतिस्थापन यानातःगु दु ।

थुगु देगलय् दुगु शिलापत्रय् श्री श्री श्री भीमसेन च्वयातःगु संयुक्त क्लवया सल्लाहकार ज्ञानेन्द्र रत्न बज्राचार्यं धयादिल । वय्कः नं थ्व भीमसेन नेवाः जातीया व्यापार प्रवर्धनया लागि पुजा याइगु धायादिल ।

बज्राचार्यया कथं दोलखा व पाटनय् दुगु भिन्द्यः देगः थें थ्व नं धार्मिक व पुरातात्विक महत्वं जागु देगः ख: । थुकिया जिर्णोदार २०५८ सालय् यागु खः ।

भिन्द्ययात शिव पार्वतीया अवतारकथं कयातःगु दुसा बौद्ध दर्शनय् भैरवया कथं कयातगु दु । १२ वर्षय् छक जुइगु सम्यक पुजाया थन हे याइगु जुगुलिं भिमसेन देगः व थ्व क्षेत्रया मेमेगु सम्पदाया संरक्षणय् स्थानीय युवा, प्रौढ व त्वाबापिं मिलेजुया थ्व अभियानय् ज्या न्ह्याकाच्वंगु खँ संयुक्त क्लबया छयाञ्जे निरज श्रेष्ठ न्ह्थनादिल ।

किपा: राजेन्द्र चित्रकार

Share on Google Plus

News: Tuladhar Bigen

    छ्याता
    फेसबुक छ्याता

0 Comments:

Post a Comment