उदाय् फुटसल कप २०७४ क्वचाल

स्थापित खलः युवा पुचःया ग्वसालय् उदाय् फुटसल कप २०७४ फागुन ४ व ५ गते युनाइटेड फुटसल नेपालया ग्राउण्डय तःजिक क्वचागु दु । उगु कप कासाय् स्थापित खलःया ल्यायम्ह पुचः न्हापा लाःगु दुसा न्यत तुलाधरया ल्यायम्ह पुचः ल्यू लाःगु दु । अथे हे लियांल्यू श्री दिगु ख्यः गुथिया ल्यायम्ह पुचः लाःगु दु । त्या:पिं  कासामिपिन्त उदाय् समाजया नायो डा. रुपज्योति कसाःजुं मेडल क्वखायकादीगु व शिल्ड लःल्हानादीगु खसा  भौतिक पूर्वाधार मन्त्री केशव स्थापितजुं दसिपौ लःल्हानादीगु खः । नापं समापन ज्याझ्वःस मूपाहां डा.रुपयोति कसाः,मन्त्री केशव स्थापित व समाजया नायो प्रेमकाजी स्थापितजुपिन्सं नं नुगः खँ तयादीगु खः ।


निक्वःगु उदाय् फुटसल धेंधेंबल्ला कप उदाय् समाजया नायो डा.रुपज्योति कसाःया वो प्रदेश नं ३ या भौतिक पूर्वाधार मन्त्री केशव स्थापितया विशेष पाहांसुइ न्ह्याः गु उगु कासाया उलेज्या ज्याझ्वलय् खलःया न्वकु सुवर्ण काजी स्थापितं लसकुस न्वचु  बियादीगु खः। मूपाहां व विशेष पाहाँपाखें मंका कथं फिफा रेफ्रीयात बल लःल्हाना उलेज्या कासा न्ह्याःगु ख: ।



खलःया नायो प्रेमकाजी स्थापितया सभापतित्वय् न्ह्याःगु उगु उलेज्याझ्वलय् युवा पुचःया नायो प्रमित स्थापित ज्याझ्वःया बारे जानकारी बियादीगु खः । युवा उदाय्तसें उत्साहजनक रुपं कासा म्हितेगु याःगु ख:सा फागुन ५ गते समापान जूगु ख: । उगु फुटसल कपय् केलत्वाया कसाः तःधं गुथिया युवा पुच:,स्थापित खलः युवा पुच,श्रीदिगु ख्यः गुथिया युवा पुच तुलाधर,ङत तुलाधर फुटसल युवा पुच,ताम्राकारया युवा  पुच  वो बनिया खलः युवा पुच पिन्सं ब्वति का:गु ख: । 








  

Share on Google Plus

News: Tuladhar Bigen

    छ्याता
    फेसबुक छ्याता