थौं सर्वदलीय बैठक आह्वान


प्रधानमन्त्री शेरबहादुर देउवां थौं सर्वदलीय बैठक आह्वान याःगु दु । लिपांगु राजनीतिक दिपा क्वचाय्केत सहलहयात तिव्रता बियादिम्ह प्रधानमन्त्री देउवां थौं प्रतिनिधिसभा संसदय् प्रतिनिधित्व याइगु न्यागु दलया शीर्ष नेताया मुँज्या सःतुगु खः ।

सुथः ९ ताः इलय् प्रधानमन्त्रीया सरकारी निवास बालुवाटारय् सःतुगु बैठकय् प्रदेशया अस्थायी राजधानी, प्रदेश प्रमुख नियुक्ति व राष्ट्रियसभा निर्वाचनया मिति नापंया विषयलय् सहलह जुइगु प्रधानमन्त्रीया प्रेस ग्वाहालिमि गोविन्द्र परियारं न्ह्यथनादिल ।

प्रधानमन्त्री देउवां बैठकय् प्रदेश प्रमुखया नियुक्ति व प्रदेशया अस्थायी राजधानी व राष्ट्रियसभा निर्वाचन मिति फ्याय्गु विषयलय् दलतनाप सहमति फ्वंगु सिदुगु दु ।

प्रदेश प्रमुखया नियुक्ति मजुया राष्ट्रियसभा निर्वाचनया नितिं निर्वाचन मण्डल दय्के मफइगु जुगुलिं प्रधानमन्त्री देउवां सहमतिया मालेज्या यानादिगु खः । सहमतिया नितिं थ्व न्ह्यः माओवादी केन्द्रया नायः पुष्पकमल दाहाल नापं थीथी दलया नेतानाप ब्यागलं ब्यागलं यानादिगु खः ।

Share on Google Plus

News: Newa News

    छ्याता
    फेसबुक छ्याता