नेवाः समुदायया तःधंगु नखः योमरी पुन्हिया लसताय् मिसा पुचः अबुधाबीया संयोजनय् ८ डिसेम्बर २०१७ या दिनय् नेवाः पुचः युएईकया मूमू व्यक्तित्वपिनिगु उपस्थितिइ पिकनिकया ग्वसाग्वःगु दु । युएईलय् च्वना नं संस्कृतिया जगेर्ना याःगु व अन चिचादनाच्वंगु नेवातय्त म्हसिकेगु नापं सतिकेगु व पासाभाइया भाव विकास नापं ग्वाहालि बीगु ताःतुनां थुगु ज्याझ्वःया ग्वसा ग्वःगु खः । ज्याझ्वलय् पुचःया वर्तमान नापं निवर्तमान नायःपिं, केन्द्रिय दुजःपिं नापं मिसा पुचःया सकल पदाधिकारीपिं, थकालि, संरक्षक, सल्लाहकारपिं, संस्थापकपिं नापनापं नेवाः पासापिनि उपस्थिति दुगु खः ।
नेवाः पुचः युएईया अबुधावी मिसा पुचः या नायः हिमालयश्वरी श्रेष्ठं उगु मिसा पुचःया गठन व गतिविधि नापं पुचःया दुजःपिनिगु म्हसिका बियादिल । थ्व झ्वलय् मिसा पुचः अबुधाविं म्ह पूजा निसें यानावयाच्वंगु गतिविधि, निगुगु नेपाली म्युजिक भिडियो अवार्ड ज्याझ्वलय् योमरी स्टल तयाः नापं मेगु थासं संकलन यानागु दां मदुम्ह अष्टमी गुरुङया छेंजःयात लःल्हाय्गु न्ह्यथनादिल । अथेहे मिसा कोष थापना यानागु व मेमेगु समाजसेवाया ज्या नं यानावैच्वंगु न्ह्यथनादिल ।
ज्याझ्वःलय् न्ह्यइपुगु कासा नापं म्ये हालेगु व प्याखँ हुला क्यंगु खः ।
ज्याझ्वः पुवंकेत भुवन नकर्मी व सुनिलमान श्रेष्ठं ग्वाहालि यानादिगु खःसा रजिना जोशी श्रेष्ठ, अञ्जना नकर्मी, मीना श्रेष्ठ, अवनी श्रेष्ठ नापंया मिसा दुजःपिंसं योमरी देकादिगु खः । अथेहे व्यवसायी तथा मानार्थ दुजः भिम नारायण श्रेष्ठया कुतलय् नेपाली चूलो रेष्टूरेन्टं बेलिया व्यवस्था याःगु खः ।
ज्याझ्वः नेवाः पुचःया मानार्थ दुजः प्रज्वल श्रेष्ठं न्ह्याकादिगु खः ।
बुखः नापं किपाः - रबि शाही (युएई)
नेवाः पुचः युएईया अबुधावी मिसा पुचः या नायः हिमालयश्वरी श्रेष्ठं उगु मिसा पुचःया गठन व गतिविधि नापं पुचःया दुजःपिनिगु म्हसिका बियादिल । थ्व झ्वलय् मिसा पुचः अबुधाविं म्ह पूजा निसें यानावयाच्वंगु गतिविधि, निगुगु नेपाली म्युजिक भिडियो अवार्ड ज्याझ्वलय् योमरी स्टल तयाः नापं मेगु थासं संकलन यानागु दां मदुम्ह अष्टमी गुरुङया छेंजःयात लःल्हाय्गु न्ह्यथनादिल । अथेहे मिसा कोष थापना यानागु व मेमेगु समाजसेवाया ज्या नं यानावैच्वंगु न्ह्यथनादिल ।
ज्याझ्वःलय् न्ह्यइपुगु कासा नापं म्ये हालेगु व प्याखँ हुला क्यंगु खः ।
ज्याझ्वः पुवंकेत भुवन नकर्मी व सुनिलमान श्रेष्ठं ग्वाहालि यानादिगु खःसा रजिना जोशी श्रेष्ठ, अञ्जना नकर्मी, मीना श्रेष्ठ, अवनी श्रेष्ठ नापंया मिसा दुजःपिंसं योमरी देकादिगु खः । अथेहे व्यवसायी तथा मानार्थ दुजः भिम नारायण श्रेष्ठया कुतलय् नेपाली चूलो रेष्टूरेन्टं बेलिया व्यवस्था याःगु खः ।
ज्याझ्वः नेवाः पुचःया मानार्थ दुजः प्रज्वल श्रेष्ठं न्ह्याकादिगु खः ।
बुखः नापं किपाः - रबि शाही (युएई)
0 Comments:
Post a Comment