निगुगु चरणय् मतदान : ६७गु प्रतिशत मत कुतुवंगु अनुमान

मङ्सिर २१ ,

प्रतिनिधिसभा व प्रदेशसभा निर्वाचनया निगुगु चरणय् मतदान क्वचाःगु ४५ गु जिल्लाय् ६७गु प्रतिशत मत कुतुवंगु अनुमान निर्वाचन आयोगं याःगु दु ।

निर्वाचन आयोगय् पत्रकार सम्मेलन याना प्रमुख निर्वाचन आयुक्त डा. अयोधीप्रसाद यादवं थ्यंमथ्यं ६७गु प्रतिशत मत कुतुवंगु न्ह्यथनादिल । दकलय् यक्व गुल्मीइ ७१गु प्रतिशत मत कुतुवंगु दु ।

निर्वाचन अयोगया कथं १२८गु प्रतिनिधिसभा व २५६गु प्रदेशसभा दुजःया नितिं ४५गु जिल्लाय् दुगु ७ द्व ७५२ मतदान स्थल व १५ द्व ३४४ मतदान केन्द्रमध्ये छगु मतदान स्थलबाहेक फुक्क थासय् शान्तिपूर्ण मतदान जुगु दु ।

अर्घाखाँचीया सन्धीखर्कया निगु मतदान स्थलय् दुगु निगुलिं मतदान केन्द्रया मतदान रद्ध जुगु निर्वाचन आयोगं न्ह्यथंगु दु । मुख्य निर्वाचन अधिकृतं हस्ताक्षर मयाःसे मतपत्र ब्यूगु धासें राजनीतिक दलया कार्यकर्तां मतदान स्थल तोडफोड याय्गु नापं मतपेटिकाय् आक्रमण यासेंलि मतदान रद्ध जुगु प्रमुख निर्वाचन आयुक्त यादवं न्ह्यथनादिल । वय्कःया कथं उगु थासय् मतदान छुं दिं लिपा जक जुइ ।

मतदान क्वचाःगु ४५गु जिल्लाया फुक्क मतपेटिका जिल्लाया मुख्य निर्वाचन अधिकृतया ज्याकुथिइ लल्हाइ । सर्वदलीय बैठकलिपा मतगणना न्ह्याइ ।

Share on Google Plus

News: Newa News

    छ्याता
    फेसबुक छ्याता

0 comments:

Post a Comment