त्रिविवि ४३ क्वगु दीक्षान्त समारोह थौं


त्रिभुवन विश्वविद्यालयया ४३ क्वगु दीक्षान्त समारोह थौं जुइत्यंगु दु । उगु समारोहस मुक्कं च्याद्व ब्वनामित दीक्षित जुइत्यंगु दु । यलया पुुल्चोकय् दुगु पुल्चोक क्याम्पसया मैदानय् जुइगु ४३ क्वगु दीक्षान्त समारोहस विद्यावारिधि, एमफिल, स्नातकोत्तर व स्नातक तहया च्याद्व, निसः व खुइन्ह्ययेम्ह ब्वनामि दीक्षित जुइगु त्रिविं न्ह्यथंगु दु ।

समारोहस एमफिलपाखे सर्वोत्कृष्ट अंक हम्ह जनप्रशासन क्याम्पस बल्खुया डम्बर सुवेदी व स्नातकोत्तरपाखे सर्वोकृष्ट अंक हम्ह गणित केन्द्रीय विभाग, किपुया प्रसन्नकुमार तामाङयात चान्सलर पदक व स्नातकपाखे सर्वोकृष्ट अंक हम्ह पुल्चोक क्याम्पस यलया मणिकुमार शर्मायात भाइस चान्सलर पदक प्रदान यायेत्यंगु दु ।

स्नातकोत्तर तहया थीथी विषयलय् उत्कृष्ट अंक हःपिं १५ म्ह व स्नातकया थीथी संकायलय् उत्कृष्ट अंक हःपिं च्याम्हसित नं पदक प्रदान यायेत्यंगु दु । थौं दीक्षित जुइपिपिं मध्ये ६२ म्हसिया विद्यावारिधि प्राप्त यायेत्यंगु दु ।

Share on Google Plus

News: Newa News

    छ्याता
    फेसबुक छ्याता

0 comments:

Post a Comment