बिगेन तुलाधर
ताहाःननी मिसा पुचः व ताहाःननी युवा पुचःया मंका ग्वसालय् शनिबाः ८८ वर्ष दँ पुलेधुंकुपिं ज्याथाज्याथीपिन्त हनेगु ज्याः याःगु दु । ताहाःननी युवा पुचःया नायः दिनेशमान डंगोलया सभापत्तिवय् न्ह्यागु उगु ज्याझ्वलय् मु पाहाँ कथं यें मनपा]मेयर विद्यासुन्दर शाक्य झायादिइगु खः ।
ताहाःननी मिसा पुचः व ताहाःननी युवा पुचःया मंका ग्वसालय् शनिबाः ८८ वर्ष दँ पुलेधुंकुपिं ज्याथाज्याथीपिन्त हनेगु ज्याः याःगु दु । ताहाःननी युवा पुचःया नायः दिनेशमान डंगोलया सभापत्तिवय् न्ह्यागु उगु ज्याझ्वलय् मु पाहाँ कथं यें मनपा]मेयर विद्यासुन्दर शाक्य झायादिइगु खः ।
अथेहे पाहाँकथं क्षेत्र नं. ८ या प्रत्यक्ष उम्मेदवार जीवनराम श्रेष्ठ, क्षेत्र नं. ८ क या प्रतिनिधि सभाया उम्मेदवार राजेश शाक्य, वडा नं. १८या वडाध्यक्ष न्हुछेकाजी महर्जन, २२ या वडाध्यक्ष चिनिकाजी महर्जन, २४या वडाध्यक्ष बालकृष्ण श्रेष्ठ, हनुमानध्वखा संरक्षण समितिया प्रमुख उदय पस: खल व पुच:या सल्लाहकार बालकृष्ण महर्जन झायादिइगु खः ।
ज्याथाज्याथीपिन्त सम्मान याय्गु झ्वलय् ज्याझ्वःया संयोजक दिनेश मान डंगोलं दोसल्ला न्यय्का स्वामा क्वखाय्का लिसें मूपाहाँ विद्यासुन्दर शाक्यं प्रमाणपत्र वितरण यासे २२ म्ह सित सम्मान याःगु खः ।
थुगु ज्याझ्वःलय् स्थानीय वासिन्दापिन्सं फुचाकथं फलफुल, विस्कुट, ध्यबा: विया नं ग्वाहाली याःगु खः । ज्याझ्वःलय् थःगु मन्तब्य तय्गु झ्वलय् कामपाया मेयर विद्यासुन्दर शाक्यं महानगरपालिका विया वयाच्वंगु ८८ दँ दुपिं ज्याथाजीथीपिन्त १२००० यानाच्वंगुली, थुगु दँ निसें मिस्तय्त ७५ दँ व मिजतिन्त ८० दँ पुलेवं १२००० बृद्ध भत्ता बीगु खँ न्ह्यथनादिल । लिसें ज्याथाजीथीपिन्त मनोरञ्जन बीगु कथं वडा पतिंक मनोरञ्जन केन्द्र स्थापना याय्गु खँ नं न्ह्यथनादिल । अथेहे क्षेत्र नं. ८ प्रत्यक्ष उम्मेदवार जीवनराम श्रेष्ठं थ: थ्व चुनावं त्यानावल धासाः ज्याथाज्याथीपिन्त विशेष ज्याझ्वः हय्गु खँ नं न्ह्यथनादिल ।
ज्याझ्व: ताहाननी जुगु ख: ।
0 Comments:
Post a Comment