बेलुन नेपाल प्रा.लिं नेपालय् हे व्यावसायिकरुपं बेलुन ब्वय्कीगु जूगु दु । छक्वलय् ६ म्हतक मनू तयाः बाघौतक आकाशय् ब्वय्कीगु प्रा.लिं. सोमवाः ग्वसाःग्वःगु पत्रकार सम्मेलनय् कंगु दु ।
पर्यटकीय नगरी पोखराया धम्पुसं बेलुनय् च्वनाः मार्दी खुसिया सिथय् अवतरण याकीगु उडानया निंतिं म्हतिं च्याद्वः व न्यासः तका कयाः ब्वय्कीगु जूगु दु ।
प्रा.लि.या शेयरदुजःलिसें पत्रकार सम्मेलनया कजि प्रविन महर्जनं कनादीकथं बेलुन नेपाल प्रा.लिं. छगू करोड तका लगानी यानाः अमेरिकाया एडम्स बेलुन कम्पनीयाके बेलुन न्याःगु खःसा चीनं तालिमप्राप्त पाइलटया व्यवस्था यानातःगु दु । ग्राउण्ड ह्याण्डलिङ याय्त भारतं ग्राउण्ड ह्याण्डलिङ टेक्निसियन हःगु दु ।
भविष्यय् स्थानीय मनूतय्त तालिम बियाः नेपालय् हे हट एयर बेलुनया व्यावसायिक उडानया लागि जनशक्ति तयार याय्गु तातुंगु दु ।
थुुकिं नेपाल सरकारयात राजस्वपाखें आर्थिक तिबः जुइगु व प्रत्यक्ष १५ म्हसित लजगाः दइगु नं वय्कलं कनादीगु दु ।
 | |
|
 |
| बेलुन नेपाल प्रा लिया पत्रकार सम्मेलनय् नुगःखँ तसे हिमालयन ग्लाेबल इन्भेष्टमेन्टया नायःलिसें एनअारएनए यूकेया पूर्व दांभरिं दीपक श्रेष्ठ । |
थुके एनआरएनए यूकेया दुजः दीपक श्रेष्ठया कम्पनी हिमालयन ग्लोबल इन्भेष्टमेन्ट कम्पनीया नं लगानी दुगु खँ अध्यक्ष विक्रम बाडें कनादिल ।
कम्पनी न्ह्याकेगु निंतिं नायः विक्रम बाडेलिसें हिमालयन ग्लोबल इन्भेष्टमेन्ट प्रा.लि.या श्रेष्ठलिसें सबिन महर्जन, प्रविन महर्जन, अञ्जु खड्का व बेनुपमा कार्कीया मंकाः लगानी दुगु पत्रकार सम्मेलनय् जानकारी ब्यूगु दु ।
 |
| बेलुन नेपालया शेयर दुजःलिसें गाेर्खा ब्रुअरीया ब्राण्ड डेभलपमेण्ट एक्जुकेटिभ समृद्धि घिमिरे । |
0 Comments:
Post a Comment