जोशी समाज केन्द्रिय समितिया १८क्वगु स्थापना दिवस


भाद्र ३, शनिबाः / यल महानगरपालिकाया मेयर चिरिबाबु महर्जनया मुपाहाँसुइ जोशी समाज केन्द्रिय समितिया १८क्वगु स्थापना दिवस व १७, १८ क्वगु वार्षिक साधारण सभा तःजिक क्वचाल । समितिया नायः राजाराम जोशीया सभानायसुइ जुगु ज्याझ्वलय् विशेष पाहाँ कथं यल मनपाया उपमेयर गीता सत्याल, यल मनपा ११ वडाध्यक्ष इन्द्रमान महर्जन, यल मनपा प्रहरी प्रभाग प्रमुख प्रकाश थापा, विश्व ज्योतिष महासंघया नायः लोकराज पौडेल, नेपाल ज्योतिष परिषदया नायः माधवराज पौडेल, राजोपाध्याय समाजया नायः वदनज्वालानन्द राजोपाध्याय, सनातन इष्ट देवता गुठीया नायः गार्देनध्वज जोशी झाःगु खः ।


अथेहे पाहाँ कथं कार्यसमिति निवर्तमान नायः कृष्णभक्त जोशी, न्वकुपिं उत्तम प्रसाद जोशी, महेन्द्र जोशी, छ्याञ्जे ज्ञानेशमान जोशी, दाँभरी शम्भुविक्रमध्वज जोशी, ल्यू छ्याञ्जे राधेश्याम जोशी, ल्यू दाँभरी दिपकराज जोशी, दुजपिं केदारप्रसाद जोशी, सुदनप्रसाद जोशी, मुकुन्द प्रसाद जोशी, श्रीराज जोशी, सल्लाहकारपिं पुर्व नायः केशवमान जोशी, कालिराज जोशी, बद्री प्रसाद जोशी, अथेहे केशव मंगल जोशी, माधव मंगल जोशी, इन्दीरा जोशी, शशिविव्रmमध्वज जोशी, राजुमृगेन्द्र जोशी, रुपक जोशी, जिल्ला कार्यसमितिया नायःपिं यलपाखें सिद्धीगोविन्द जोशी, ख्वपया अच्यूतराज दैबज्ञ, येँया कमल बहादुर जोशी, कास्कीया मोहनमान जोशी, रुपन्देहीया वसन्तध्वज जोशी, झापाया सनत कुमार जोशी, खोतांगया समुन्द्र प्रसाद जोशी, पर्वतया नारायण प्रसाद जोशी व धनकुताया सुजनभाइ जोशी झायादिगु खः ।


मेयर महर्जनं त्वादेवाय् दिप प्रज्वलन याना शहिद शुक्रराज जोशी (शास्त्री)या किपातय् पुष्प अर्पण याना न्ह्याःगु ज्याझ्वलय् केन्द्रिय न्वकु उत्तम प्रसाद जोशीं लसकुस यानादिगु खः । ज्याझ्वलय् सभानाय पाखें मेयर, उपमेयर व वडाध्यक्षपिंत सम्मान नं याःगु खः ।


ज्याझ्वलय् २०७२, ०७३ या एसइइ अप्व ल्याः हपिं नरेशलाल जोशीयात स्व. ठाकुरदास जोशी स्मृति सम्मान व अनिता जोशीयात स्व. तुल्सी कुमारी जोशी स्मृति सम्मानं हंगु खः ।  अथेहे क्रिष्टिना जोशीयात रामबिलास राधादेवी जोशी सम्मान लःल्हागु दु । ज्याझ्वलय् नेपालभाषा एम.ए उत्कृष्ठ जुयादिपिं दिपा महर्जन व बाबुराजा महर्जनपिंत नेपालभाषा एम.ए सम्मान लल्हागु खः ।


जोशी समाजया अग्रजपिं केशवराम जोशी, कालिराज जोशी, बद्रीप्रसाद जोशीपिंत नं हंगु खः । अथेहे ९४ दँ दुम्ह विश्वलक्ष्मी जोशीयात स्व. रत्नकुमारी जोशी दिक्षित देखा सम्मान लल्हागु खः । ज्याझ्व ज्ञानेशमान जोशी न्ह्याकादिगु खः ।

Share on Google Plus

News: Anonymous

    छ्याता
    फेसबुक छ्याता

0 Comments:

Post a Comment