समाजसेवी चक्रमान डंगोलया निक्वःगु वार्षिक पुण्यतिथिइ लाकाः थौं निःशुल्क पाठेघर जाँच शिविर जूगु दु ।
ओन्देया नारायण परिवार क्लबया ग्वसालय् क्लबया हे स्वास्थ्य केन्द्रय् जूगु शिविरय् सर्भाइकल क्यान्सर स्क्रिनिङ जूगु खः ।
२५ दँनिसें ७६ दँतक दुपिं सच्छि व ७४ म्हेसिनं मचाछेँ (पाठेघर)या जाँच याकूगु खः ।
शिविरय् जाँच याःपिं मध्ये प्यम्हसिके पाठेघर सम्बन्धी समस्या खनेदुगु खँ जाँचय् संलग्न स्वास्थ्यकर्मीं धाःगु दु ।
समाजसेवाया निंतिं हे थःपिसं थुज्वःगु शिविर दँय्दसं यानावयाच्वनागु क्लबया नायः प्रचण्डमान बज्राचार्यं न्ह्यथनादिल ।
शिविरय् नेपाःया न्हापांम्ह अनकोलोजिष्ट डा. तारा मानन्धर, गाइनोकोलोजिष्ट डा. जुनु बज्राचार्यपिसं मचाछेँ जाँच यानादीगु खःसा सिनियर स्टाफनर्स लक्ष्मी मानन्धर, नर्स रश्मी मानन्धर, न्यूट्रशिनिष्ट सूर्ज महर्जन, अनमि रुपा श्रेष्ठपिसं ग्वाहालि यानादीगु खः ।
अथेहे शिविर सञ्चालनय् प्रबिन महर्जन, श्रेया मानन्धर व सेलेसा मानन्धरं नं ग्वाहालि यानादीगु खः ।
मदुम्ह चक्रमान डंगोल नारायण परिवार क्लबया पूर्वनायःलिसें येँ मनपा १२ वडाया पूर्वनायः नं जुयादी ।
वय्कः रेडियो उपत्यकाया संस्थापक अध्यक्ष, ज्यापु संस्कृति विकास कोषया संस्थापक अध्यक्षलिसें ज्यापु दिवसया प्रणेता जुयादी ।
स्वयादिसँ किपा ः
मचाछेँ जाँचया निंतिं पियाच्वंपिं सेवाग्राही
शिविरय् सहभागीपिनि रक्तचाप परीक्षण यासें
निःशुल्क वासः वितरण
0 Comments:
Post a Comment