निर्वाचन आयोगयात भुल सुधार याय्‌त अपिल

नकतिनि क्वचाःगु स्थानीय तगिंया निर्वाचनय् दलित कोटां रिजु कपाली निर्विरोध निर्वाचित जूगु बुखँयात कयाः कपाली समाज केन्द्रिय ज्याकुथिं आपत्ति प्वंकूगु दु लिसें निर्वाचन आयोगयात भूल सुधार याय्त अपिल याःगु दु ।
कपाली समाज केन्द्रिय ज्याकुथिं थौं छगू विज्ञप्ति जारी यासें नेमकिपाया दलित उम्मेदवार कोटां कपाली निर्वाचित जूगुलि थथे आपत्ति प्वंकूगु खः ।
समाजया अध्यक्ष दिल्ली बहादुर कपालीं हस्ताक्षर याःगु बिज्ञप्तिइ धयातःगु दु, “नेपालया थीथी आदिवासी जातीपि मध्यय् नेवार समुदाययात नेपाल सरकारया मिति २०५४/३/२३  राजपत्र भाग ३ स प्रकाशित आदिवासी जनजातीया अनुसूचीइ सूचीकृत याःगु लिसें आदिवासी जनजाती उत्थान राष्ट्रिय प्रतिष्ठान ऐन २०५८ य् उल्लेखित ५९ आदिवासी जनजाती मध्ये छगू नेवार समुदाय खः । थथे जूगुलिं नेवाः समुदाय दुने कपाली समुदाय आदिवासी जनजातीया छगू ब्व खः । लिसें नेपाल सरकार दलित आयोग २०५८ या दलित जातीय अनुसूचीइ नं कपाली जाती दलितया कोटाय् मदुगु प्रष्ट यानाच्वना ।”
दलित आयोगया अनुसूचीइ कपाली जाती मदु सां दलित कोटां कपाली निर्वाचित याःगुलिं थुकिं कपाली जातिया आत्मा सम्मानय् आघात जूगु धयाः “कपाली समाज” केन्द्रिय ज्याकुथिं घोर आपती ब्यक्त याःगु दु ।
लुमंकेबहःजू, नेपाल सरकारं २०७४ बैशाख ११ गते निर्वाचन प्रयोजनया लागिं पिकाःगु अल्पसंख्यक धलखय् नं कपाली जाती दुथ्याकातःगु मदु ।
Share on Google Plus

News: Tikijhyanews

    छ्याता
    फेसबुक छ्याता

0 comments:

Post a Comment