फाल्गुन १६, २०७२
साहित्यकार, निर्देशक नाप नांजाःम्ह कलाकार रामशेखर नकःमि मन्त।
थौं सुथ ६ ता इलय् वय्कः मदुगु न्ह्यथंगु दु । मदुम्ह नकमिया ख्वप क्यान्सर अस्पतालय् न्हासय् क्यान्सरया उपचार जुयाच्वंगु खः ।
वंगु ७२ सालया तःभुखाचँ वय्कःया छेँ च्वने मज्यूगुलिं बृद्धाश्रमय् च्वनच्वनादिगु खः ।
विसं १९९४ जेठ १८ गते बुम्ह वय्कलं नेपालभाषाया न्हापांगु टेलिफिल्म १२ बजे देकादिगु खः । वय्कलं नेपालभाषाया नांजागु संकिपा राजमति च्वयादिगु खः । मदुम्ह नकःमि २०१२ सालं निसें कला साहित्य व मनाेरञ्जन लागाय् सक्रिय जुयावयाच्वनादिगु दु । वय्कःया बागु दर्जन मल्याक सफु पिहाँवय्धुंकुगु दुसा दर्जनं मल्याक नाटक म्हितादिगु दु । वय्कलं छुँ सँकिपा तकं म्हितादिगु दु ।
वय्कलं श्रेष्ठ सिरपा, गंकी बसुन्धरा पुरस्कार, भैरव प्रतिभा पुरस्कार, सर्वनाम पुरस्कार, नेवा: हना सिरपा, युद्ध प्रसाद मिश्र पुरस्कार, पेज थ्री पिपल्स च्वाइस अवार्ड, टाईम अचिवमेन्ट अवार्ड, धौबदेल फाउन्डेसन हना, बिरात नेपाल भाषा साहित्य हना, हास्यव्यंग्य गाइजात्रा २०३६, चक्रपाणी चालिसे पुरस्कार नापं थीथी पुरस्कार त्याकादिगु दु।
0 Comments:
Post a Comment