इन्जिनियरतयेगु परीक्षा रद्द


११३७ थींलाथ्व ८, २०७३ मङ्सिर २२। 

शहरी विकास व भवन निर्माण विभागं काःगु इन्जिनियरतयेगु परीक्षा रद्द यागु दु । वंगु भदौ २५ गतेया सूचं कथं दरखास्त ब्यूपिं इन्जिनियरतयेगु लिखित व मौखिक परीक्षाया लिच्व प्रकाशन यायेगु इलय् रद्द यागु खः ।

उगु परीक्षाय् अनियमितता व धाँधली जुगु खँ पिहाँवगुलिं छानविन यायेत सहरी विकास मन्त्रालयया सह–सचिवया संयोजकत्वय् छगु छानविन समिति तकं गठन याःगु दु । उगु छानविन समितिया सिफारिस लिपा परीक्षा रद्द याःगु सहरी विकास मन्त्रालय नं न्ह्यथंगु दु ।

थुकिं याना परीक्षाय् जुगु त्रुटी व ब्वति काःपिं कर्मचारीतयेत थप छानवीन याना कारबाहीया दायराय् हयेगु न्ह्यथंगु दु ।

लिखित व मौखिक परीक्षा स्थगित जुसां आ न्हापाया आवेदकत जक ब्वतिकाइ कथं हाकनं लिखित व मौखिक परीक्षा यायेत विभागयात उजँ ब्युगु दु  ।

Share on Google Plus

News: Newa News

    छ्याता
    फेसबुक छ्याता

0 comments:

Post a Comment