राष्ट्रिय मानवअधिकार आयोगं तिवारीया जीवन रक्षा यायेत ध्यानाकर्षण



११३७ थींलाथ्व ८, २०७३ मङ्सिर २२
राष्ट्रिय मानवअधिकार आयोगं उसाँय् लागाया समग्र सुधारया माग तया १५ न्हुनिसें आमरण अनसनर च्वनाच्वंम्ह विकास तिवारीया जीवन रक्षा यायेत सरकारया ध्यानाकर्षण याःगु दु । आयोगं थौं छगु विज्ञप्ति जारी याना गम्भिर जुइत सरकारया ध्यानाकर्षण याःगु दु ।

तिवारीको उसाँय् कमजोर जुयावनाच्वंगुलिं चिन्ता ब्यक्त याःगु दु । तिवारी सप्तरी जिल्लास्थित गजेन्द्र नारायण सिंह सगरमाथा अञ्चल अस्पतालया व्यवस्थापन व सुधार, नापंया २६गु सूत्रीय माग तयाः आमरण अनसन यानावयाच्वंगु दु ।

अथेहे आयोगं थःगु अनुगमनया झ्वलय् सरकारी अस्पतालया भवनत व उपचारया उपकरणत जीर्ण जुगु, त्वनेगु लःया अभाव, फोहोरया बाँलागु व्यवस्थापन मजुगुलिं अस्पताल लागा दुर्गन्ध जुगु नापंया समस्यात खनेदुगु न्ह्यथंगु दु ।

Share on Google Plus

News: Newa News

    छ्याता
    फेसबुक छ्याता