कंग अजिमाया गुठि छेँ पुननिर्माणया शिलान्यास

११३७ थींलाथ्व १० , २०७३ मङ्सिर २४
श्री कंग अजिमाया गुठि छेँ पुननिर्माणया शिलान्यास माननिय उद्योगमन्त्रीं नविन्द्रराज जाेशीं यानादिगु दु । सुथः १०ः५२ ताः इलय् यटखा त्वालय् द्यःछेया जग स्वंगु खः ।

लिच्छविकालिन उगु द्यःछेँ मल्लकालय् जिर्णोउद्धार जुगु अभिलेखं क्यंगु दु । थुगु द्यःछें नँ देय्दसँ खः जात्रा, मोहनीबलय् यट्खा पायः (खड्गजात्रा) थेँज्यागु साँस्कृतिक, धार्मिक व परम्परागत ज्याखँत संचालन जुयावयाच्वंगु दु ।

थुगु पुननिर्माण त्वाः खलःया गुठि दुजत व का.म.पा. हनुमानध्वाखा दरबारक्षेत्र संरक्षण कार्यंक्रमया आर्थिक ग्वाहालिइ जुइत्यंगु खः । थुगु देकेज्यां परम्परागत, धार्मिक, साँस्कृतिक नापं सामाजिक ज्यायात निरन्तर संचालन जुया जगेर्ना जुइगु द्यःछेँ निर्माण समितिया सल्लाहकार पूर्ण नारायण महर्जनं न्ह्यथनादिल ।