नेपालभाषा एम.ए. ब्वमिपिनि पुचः लुमन्ति दबूपाखें कुमुद श्रेष्ठं थः अबुजु कृष्णबहादुर श्रेष्ठयात लुमंकाः च्वयादीगु सफू "बाः लुमंकाः" थाैं पितब्वज्या जूगु दु ।
 |
| बाः लुमंकाः सफू विमाेचन यानादिसें पूर्व विभागीय प्रमुख प्रा. डा. सुन्दरकृष्ण जाेशी |
च्वमि श्रेष्ठं थः अबुया लुमन्तियालिसें थीथी विधाया न्हय्पु न्हय्ता खँ मुंकाः सफू च्वयादीगु खः । सफुतिइ वय्कलं थः अबुया लुमन्ति, चिनाखँ, हाइकू, बाखं, स्वास्थ्य, नियात्रा व च्वखँ च्वयादीगु दु ।
नेपालभाषा केन्द्रीय विभागया पूर्व प्रमुख प्रा. डा. सुन्दरकृष्ण जाेशीया मूपाहाँसुइ जूगु ज्याझ्वलय् वय्कलं मदुम्ह कृष्णबहादुर श्रेष्ठया व्यक्तित्व उलादिसें वय्कलं स्यनेकने याइबलय् सरल व सरसतां जाःगु खँ न्ह्यथनादिल ।
थुकथं हे विभागया प्रमुख प्रा. डा. चन्द्रमान बज्राचार्यं सफूयात कयाः थःगु नुगःखँ तयादीगु खःसा च्वमि श्रेष्ठं सफू च्वयागुया प्रसंग न्ह्यथनादिसें लिपालिपा नं थःगु च्वसा न्ह्याकेगु बचं बियादिल।
लुमन्ति दबूया नायः रामेश्वर श्रेष्ठया सभापतित्वय् जूगु ज्याझ्वलय् मदुम्ह श्रेष्ठया तःधिकःम्ह काय् मनमाेहन श्रेष्ठं नं नुगः खँ तयादीगु खः ।
ज्याझ्वः लुमन्ति दबूया दुजः राजेन्द्र शाक्यं न्ह्याकादीगु खः ।
0 Comments:
Post a Comment