प्रम प्रचण्डयात ज्यापु दिवसया ब्वना



झिंस्वक्वःगु राष्ट्रिय ज्यापु  दिवसया लसताय् थाै‌ं सुथय् प्रधानमन्त्री पुष्पकमल दाहाल प्रचण्डयात मूपाहाँया ब्वनापाै लःल्हाःगु दु ।

ज्यापु संस्कृति विकास काेषया निमित्त नायः म‌ंगलकृष्ण सिंह‌ं लःल्हानादीगु पतिइ राष्ट्रिय ज्यापु दिवसया लसताय् बसन्तपुलिइ जुइगु मूल समाराेहय् मूपाहाँकथ‌ं ब्वति काय्‌त इनाप यानातःगु खः ।

पाै लःल्हाय्‌गु ज्याझ्वलय् ज्यापु संस्कृति विकास काेषया संरक्षकलिसें पूर्वराज्यमन्त्री तीर्थराम डंगाेल, काेषया मूछ्याञ्जे सन्तकुमार महर्जन, श्रीज्यापु महागुथि नेपाःया नायः सन्तु महर्जन, ज्यापु दिवस समाराेह समितिया कजि राम महर्जन, ल्यूकजि रविन महर्जनलिसेंया उपस्थिति दुगु खः।

२०६० साल‌ं जनस्तरं हनेगु सुरु याःगु ज्यापु दिवसयात २०६५ सालय् राष्ट्रिय मान्यता ब्यूगु खः । उबलेनिसे‌ं दँय्‌दसं तःजिक ज्यापु दिवस हनेगु यानावयाच्वंगु दु।

२०६५ सालंनिसें हे येँया परम्परागत त्वाः मध्ये छगूयात कजिया पाःब्व लःल्हानाः ज्यापु दिवस हनेगु यानावयाच्व‌ंगु खःसा थुगुसी श्री कमलादी गणेश जमःमि त्वाः गुठीं कजिया पाःब्व कयाः ज्याखँ न्ह्याकाच्वंगु दु ।

ज्यापु दिवस तःजिक हनेगु निंतिं पाःब्व काःगु त्वालं परम्परागत ६३ त्वाः खलःलिसे सहलह ब्याकेगुलिसें हिदान, साइकल र्याली थुज्वःगु ज्याझ्वःया याय्‌धुंकूगु दुसा वइगु शनिवाः सुकुन्दा र्याली याइगु जूगु दु ।
Share on Google Plus

News: तिकिझ्याः न्यूज

    छ्याता
    फेसबुक छ्याता

0 Comments:

Post a Comment