११३७ थींलाथ्व ९, २०७३ मङ्सिर २३।
प्रधानमन्त्री पुष्पकमल दाहाल प्रचण्डयात एमाले व राष्ट्रिय जनमोर्चाया युवा–ब्वनामितयेसँ बिहीबाः कैलालीइ हाकुध्वाँय् क्यंगु दु। प्रधानमन्त्री दाहाल थौं सुथः ९ तात्या इलय् धनगढीया नापि होटलं पिहाँवःगु इलय् कडा सुरक्षाया दथुइ नं इम्सं एलएन चुकय् हाकुध्वाँय् क्यंगु खः ।
युवा संघया केन्द्रीय दुजः मदन रेग्मी व अनेरास्ववियुया नायः चुडामणि भट्टया नेतृत्वय् खतेजुगु एमाले व जनमोर्चाया कार्यकर्तां नाराबाजी नापं हाकुध्वाँय् क्यंगु खः ।प्रधानमन्त्री दाहाल अत्तरिया नगरपालिया गेतय् ग्वसाग्वगु पार्टीया प्रदेश नं ७ स्तरीय कार्यकर्ता प्रशिक्षण ज्याझ्वलय् ब्वति कायेत वनेगु इलय् इम्सं हाकुध्वाँय् क्यंगु प्रहरीं न्ह्यथंगु दु ।
म्हिगः सुदूरपश्चिम महोत्सव उलेज्या यायेत धनगढी थ्यंम्ह प्रचण्डयात ज्याझ्व जुगु थासय् मछ्वयेगु धासें एमाले व जनमोर्चां धनगढी बन्द आह्वान यागु खः ।
उगु ज्याझ्वलय् नेता कार्यकर्तातयेत ज्वना यंकुगु दु । प्रहरीं दमन यागु धासें एमाले व जनमोर्चाया युवा–विद्यार्थी संगठनं थौं कैलाली बन्दया आह्वान यागु खः ।
0 Comments:
Post a Comment