डा.बाबुराम भट्टराईयात लाकमं कयेकल


११३७ थींलाथ्व ९, २०७३ मङ्सिर २३। 

नयाँ शक्ति नेपालया केन्द्रीय संयोजक डा.बाबुराम भट्टराईयात लाकमं कयेकुगु दु । पृथ्वीनारायण क्याम्पसय् नयाँ शक्ति विद्यार्थी युनियनं न्हूपिं ब्वनामियात लसकुस यायेत याःगु ज्याझ्वलय् पूर्व प्रधानमन्त्री भट्टराईयात हाकु ध्वाँय् क्यँसें लाकामं कयेकुगु खः ।

लाकां कयेकुम्ह कैलाली नारायणपुरया २९ दँ दुम्ह सञ्जिव भट्टराई अर्थशास्त्रय् एम.ए.या ब्वनामि खः । ज्याझ्वलय् डा.भट्टराई नवानाच्वंगु इलय् सञ्जीवं लाकां कयेकुगु खः ।

भट्टराई नवानाच्वंगु इलय् लिउने च्वँम्ह सञ्जिवं बाबुराम भट्टराई मुर्दावाद धासें हाकु ध्वाँय् क्यंगु खः । मञ्चय् नवानाच्वंम्ह बाबुरामं हाकु ध्वाँय् व मुर्दाबादया नारां थःत छुँ मजुइगु धायेवं सञ्जीवं लाकां त्वःता कयेकुगु खः । लाकां मञ्चतक धासा मथ्यंगु व पूर्वप्रधानमन्त्री डा. भट्टराईयात मलाःगु प्रत्यक्षदर्शीं न्ह्यथंगु दु।

डा.भट्टराईयात लाकां कयेकेधुंका नयाँ शक्ति ब्वनामि युनियनय् आबद्ध ब्वनामितयेसं सञ्जीवयात नियन्त्रणय् कयाः प्रहरीयात लःल्हागु खः । सञ्जिवयात हातपात तकं जुगु दु । वयात आ वडा प्रहरी ज्याकूथि बगरय् तयातःगु दु । वया अनुसन्धान यानाच्वनागु कास्कीया मू प्रहरी उपरिक्षक घनश्याम अर्यालं न्हयथनादिल । प्रहरीयात ब्युगु बयानय् वं थः आक्रोशय् वयाः हाकुध्वाँय् क्यंनागु न्ह्यथंगु दु।

Share on Google Plus

News: Newa News

    छ्याता
    फेसबुक छ्याता