नेवा: लिपि धेधेबल्लाखे गैरनेवा: ब्वानामी


ने.सं ११३७ कछलागा एकादसी, २०७३ मङ्सिर १०  

हयातुल्लाह अन्सारी व रोहित कुमार येँया भोेटेबहाया आजाद निमाविइ ५गु तगिमय् ब्वनि । इपिं बुधबाः प्रचलित लिपी च्वयेज्याय् धेंधेंबल्ला यानाच्वन ।

धेंधेंबल्लाखय् २३गु ब्वनेकुथीया ब्वनामि ब्वति कागु खः । नेपालभाषा थुपिं मध्ये सुयांगु मातृभाषा मखु । तर फुकस्याँ नेपालभाषा थू, भचाभचा ल्हाय् नं फु । कक्षाय् गुरु गुरुमानाप नेपालभाषा नवाइ । ब्वतिकामि मस्त फुक ब्वनामि सरकारी ब्वनेकुथिया ब्वनामिपिं खः । गुलिखे माँ अबु च्या पसः तया च्वंपि खः । सहरया दथुइ नेवाः बस्ती दु । इपिंनाप व्यवहार यायेमागुलिं नेपालभाषा सयेका व्यापार याये अपुगु छम्ह ब्वनामिं न्ह्यथन ।

नेवारी नवाना व्यापार याये अपु जु, अन्सारीं न्ह्यथन, स्कुलय् नं सर, मिसं नेपालभाषा ब्वंकि । लिपि स्यानादि । मेगु इलय् पासापिंनाप नेपालीं हे नवाना ।

भाषा व लिपि प्रशिक्षनय् संलग्न स्यनामि सिर्जना शाक्यं अंगलय् तुयुगु बोर्डय् नेपालभाषाया खँग्वत देवनागरीइ च्वल : कलम, मत, सल, थलबल, लापा, खापा, लजगा, लाभा, मसला, खाचा, माखा ...। उकियात ब्वतिकामि ४६म्ह ब्वनामिं च्वया यंकल । छथाय् देवनागरी व मेथाय् नेपालभाषाया प्रचलित लिपिं च्वया यंकल । धौछिया इलय् गुलिं बाधौ दुने हे पुवंकल । गुलिखे कपि तनाच्वन ।

देया छगुजक महानगरपालिकां स्थानिय नेपालभाषायात सम्पदाया रुपय् बजेट उपलब्ध यानाच्वंगु दु । उकथं महानगरया २३गु सामुदायिक ब्वनेकुथिइ छगु तगिं निसें ५गु तगिंतक नेपालभाषा विषयगत रुपं पठनपाठन जुया वइच्वंगु दु ।

थ्व सिबे न्ह्यः हे डल्लुइ जगतसुन्दर ब्वनेकुथि माविइ नेपालभाषाया माध्यमं पठनपाठन जुयावयाच्वंगु दु । महानरपालिकां चालु आर्थिक वर्ष २०७३ ७४य् २०गु लख तका बजेट फ्याःगु नेवाः स्यनामि मञ्चया सजिव वरुणप्रसाद वैद्यं न्ह्यथन । राष्ट्रिय जनगणना, २०६८ या तथ्यांक कथं येँया कुल जनसंख्या १७गु लख ४४ द्व दु, गुकि निगुगु थासय् नेवात ३गु लख ८३ द्व सछि व ३६म्ह दु ।

कान्तिपुर दैनिकय प्रकासित।


Share on Google Plus

News: Newa News

    छ्याता
    फेसबुक छ्याता